პირველი ინტერვიუ მიხეილ სააკაშვილის ყოფილ მოსამართლესთან – თბილისის საქალაქო სასამართლოდან წასული ლია ორკოდაშვილი “პირველებთან” აღიარებს, რომ 7 ნოემბრის საქმეზე განაჩენის გამოცხადება სურდა, თუმცა ამის შესაძლებლობა არ მისცეს.
ოფიციალური მიზეზი ორკოდაშვილის საპენსიო ასაკია, თუმცა მოსამართლეს ეჭვობს, ის საქართველოს მესამე პრეზიდენტის სისხლის სამართლის საქმეს, სავარაუდოდ, შეგნებულად ჩამოაშორეს.
უვადოდ დანიშნული მოსამართლე ვიყავი, მაგრამ ეს არ ნიშნავს იმას, რომ უვადოდ ინიშნები რა თვალსაზრისით, იცით? სიცოცხლის ბოლომდე. მქონდა თუ არა მანდ მცდელობა, რომ დამემთავრებინა ჩემს წარმოებაშ არსებული საქმეები, სიმართლე გითხრათ, მე პირიქით, ძალიან გამიხარდებოდა. იმას, რომ მე მომეთხოვა ან მეთქვა, აზრი არ ჰქონდა, იმიტომ, რომ კანონში არის, როგორც მოგახსენეთ, პირდაპირ ჩანაწერი, რომ 65 წლის რომ ხდები, უფლებამოსილება ჩერდება. სათადარიგო თუ შემთხვევით იქნება, გაგრძელდება, თუ არა, მაშინ თავიდან დაიწყება. მესამე მოსამართლე ალბათ ის იქნება, ვისაც მოუწევს ელექტრობული წესით, არ ვიცი. ის ორი მოსამართლე, სხვათაშორის, ვინც ჩემს გარდა მონაწილეობდნენ ამ საქმეში, ნამდვილად პატივისცემას იმსახურებენ და კარგი იქნება, მესამე მოსამართლეც თუ სამართლიანი დაინიშნება და პრინციპული, რაც მთავარია. მოკლედ, აი, ასეთი გადაწყვეტილება ისევ ძალაშია და ამან გამოიწვია ის, რომ მე 65 წლის წამოვედი სახლში მაშინ, როცა შემეძლო, რომ არაერთი რთული და ურთულესი საქმე განმეხილა, – ამბობს ლია ორკოდაშვილი.
“პირველების” შეკითხვას, ჰქონდა თუ არა ადგილი პოლიტიკურ დაკვეთას, ორკოდაშვილი პასუხობს, რომ არაფერს გამორიცხავს.
მე არაფერს გამოვრიცხავ, იმიტომ, რომ წარმოიდგინეთ ახლა, 5 წელი, ფიქრობ, 65 თუ 70. თუ გინდა, რომ უარყოფითი პასუხი მიიღო ანუ 65 ძალაში დატოვო, გამოაცხადე, ბატონო, მაგრამ გამოდის, რომ არა. არ გამოვრიცხავ. მე ადვოკატებიც მეხუმრებოდნენ, რომ ქალბატონო ლია, თქვენნაირი პრინციპული მოსამართლე ალბათ აღარ არის საჭირო რომ იყოს სასამართლო სისტემაშიო… ჩემდა სამწუხაროდ, – ამბობს ორკოდაშვილი.
კომენტარები