84 წლის ასაკში, აშშ-ის პირველი ქალი სახელმწიფო მდივანი მადლენ ოლბრაიტი გარდაიცვალა. ამის შესახებ ინფორმაციას ტელეკომპანია CNN ავრცელებს.
მადლენ ოლბრაიტი თანამდებობას 1997 წლიდან 2001 წლამდე იკავებდა.
ყოფილ სახელმწიფო მდივანს დიდი წვლილი მიუძღვის მეორე მსოფლიო ომის შემდეგ დასავლეთის საგარეო პოლიტიკის ფორმირებაში.
ოლბრაიტი აშშ-ის პრეზიდენტ ბილ კლინტონის ადმინისტრაციის ცენტრალური ფიგურა იყო. ქვეყნის პირველ დიპლომატად გახდომამდე, ის გაერო-ში აშშ-ის ელჩად მსახურობდა. ოლბრაიტი მხარს უჭერდა ნატო-ს გაფართოებას, მოუწოდებდა ბალკანეთში ინტერვენციისკენ გენოციდისა და ეთნიკური წმენდის შესაჩერებლად, მიისწრაფოდა ბირთვული იარაღის გავრცელების შესამცირებლად და აქტიურად ემხრობოდა ადამიანის უფლებათა დაცვასა და მსოფლიოში დემოკრატიის გავრცელებას.
კომენტარები