მსჯარვდებული ექსპრეზიდენტი მიხეილ სააკაშვილი მისმა პირადმა ექიმმა კიდევ ერთხელ ინახულა. ნიკოლოზ ყიფშიძემ ჟურნალისტებთან განაცხადა, რომ ექსპრეზიდენტი თავს ძალიან სუსტად გრძნობს.
პირად ექიმთან ერთად სააკაშვილთან იყო შესული ნევროლოგი ოთარ თოიძეც. მისი თქმით, სააკაშვილს სწორ ხაზზე სიარული უჭირს. აღენიშნება დაღლილობა, არასტაბილურობა და მკვეთრი ნერვული დეფიციტი.
„დღესაც პრეზიდენტი ძალიან სუსტად არის. მე ვიტყოდი, რომ კიდევ უფრო სუსტად მომეჩვენა, ვიდრე ორი დღის წინ, როცა ბოლოს ვნახე“, – აცხადებს ყიფშიძე.
ნევროლოგ ოთარ თოიძის თქმით, ზოგადი სისუსტე, ადვილი განლევადობა, არასტაბილურობა და დაღლილობა სააკაშვილს დღემდე შენარჩუნებული აქვს.
„რაც შეეხება ნერვულ დეფიციტს, რჩება მკვეთრი ნერვული დეფიციტი. ძირითადად ის გამოიხატება კოორდინაციის დარღვევაში. მას უჭირს სწორ ხაზზე სიარული“, – ამბობს ოთარ თოიძე.
კომენტარები