“ჩემი ინფორმაციით, შემოსულია დივერსიული ჯგუფი, რომელსაც ევალება არეულობის პირობებში ხელისუფლების ხელში აღება და ქვეყნის დესტაბილიზაცია. ამიტომ ჩვენ უნდა დავაკვირდეთ ყველა საეჭვო მოძრაობას”, – ეს განცხადება მიხეილ სააკაშვილმა სასამართლო სხდომაზე სიტყვით მიმართვის დროს გააკეთა.
როგორც საქართველოს მესამე პრეზიდენტი ამბობს, მოსახლეობა უკონტროლოდ შემოდინებული რუსეთის მოქალაქეების მიმართ ყურადღებით უნდა იყოს, რადგან სააკაშვილის ინფორმაციით, ქვეყანაში დივერსიული ჯგუფიც იმყოფება, რომლის მიზანსაც დესტაბილიზაციის შექმნა წარმოადგენს. აქედან გამომდინარე, მიხეილ სააკაშვილი გამოდის ინიციატივით, შეიქმნას სამოქალაქო თავდაცვის ცხელი ხაზი, რომლის მეშვეობითაც მოქალაქეები შესაძლო საფრთხის შესახებ ინფორმაციას მიაწვდიან.
სააკაშვილი მოუწოდებს ასევე ოპოზიციას, რომ შეწყვიტოს “ოლიგარქის და რუსეთის” თამაშების თამაში და მათ ფაბულაში ჩაჯდომა.
დღეს არის დიდი საფრთხის ქვეშ ჩვენი ქვეყანა, მაგრამ ამავე დროს დამპყრობელიც არის ძალიან დიდი პრობლემების ქვეშ. ნახეთ, როგორი არეულობებია რუსეთში, მანამდე პრიგოჟინის აჯანყება იყო, წკიპზე არის რუსეთი, რუსეთი აუცილებლად ჩამოიშლება იმიტომ რომ მართლა ძალიან მძიმე მდგომარეობაში იმყოფება და ამას ყოველ დღე ვხედავთ, მაგრამ ჩვენ უნდა ვიყოთ ამისთვის მზად, რომ თავზე არ ჩამოგვემხოს ეს ჩამოშლილი რუსეთი, იგივე ჩრდილო კავკასიით, სადაც ახლა არის არეულობები და უბედურებები.
იმისათვის, რომ ჩვენ იყოთ კარგ ფორმაში, ძალიან ფრთხილად უნდა ვიყოთ შემოსული რუსების მიმართ. მე მინდა შევქმნათ სამოქალაქო თავდაცვის ცხელი ხაზი, სადაც ხალხი დარეკავს და შეგვატყობინებს. […]
მათ შორის ჩემი ინფორმაციით, შემოსულია დივერსიული ჯგუფი, რომელსაც ევალება არეულობის პირობებში ხელისუფლების ხელში აღება და ქვეყნის დესტაბილიზაცია. ამიტომ ჩვენ უნდა დავაკვირდეთ ყველა საეჭვო მოძრაობას”, – თქვა მიხეილ სააკაშვილმა.
კომენტარები