ერთიანი ნაციონალური მოძრაობის წევრი, ლევან ხაბეიშვილი აცხადებს, რომ ნაციონალური მოძრაობა მზადაა, დატოვოს პარლამენტი და ამ საკითხზე სხვა ოპოზიციურ პარტიებთან ერთადაც იმუშავებს.
ხაბეიშვილის თქმით, მნიშვნელოვანია, რომ პარლამენტი ერთპარტიული დარჩეს. თუ საკანონმდებლო ორგანოში მანდატზე უარს მხოლოდ ნაციონალური მოძრაობა იტყვის ეს, მისი აზრით, ერთჯერადი პროტესტი იქნება.
შესაბამისად, ხაბეიშვილის თქმით, იმუშავებენ, რომ პარლამენტში მხოლოდ მმართველი პარტია დარჩეს, თანაც რაც შეიძლება სწრაფად.
„რაც შეეხება მანდატების დატოვებას, მე შემიძლია თამამად გითხრათ, რომ ამისთვის ფრაქცია ნაციონალური მოძრაობა არის მზად, თუმცა ძალიან მნიშვნელოვანია, საზოგადოებამ იცოდეს: თუ პარლამენტი არ დარჩება ერთპარტიული, ეს იქნება ერთჯერადი პროტესტი. თუ დარჩება პარლამენტი ერთპარტიული ამას ექნება დიდი მნიშვნელობა. ვიმუშავებთ თუ არა ჩვენს კოლეგებთან ამ საკითხზე? პირდაპირ შემიძლია გითხრათ, რომ კი. ვიმუშავებთ თუ არა, რომ პარლამენტი გახდეს ერთპარტიული თან რაც შეიძლება სწრაფად? ცხადია, კი“ – განაცხადა ლევან ხაბეიშვილმა.
კომენტარები