რუსეთში, არხანგელსკის ოლქში, სოფელ ზაჩაჩიეში ადგილობრივმა პოლიციამ “თოვლისკაცების” აქცია აღკვეთა. სამართალდამცავებმა პირდაპირი მნიშვნელობით გაანადგურეს აქციის მონაწილეები, ხოლო მათი პლაკატების ექსპროპრიაცია მოახდინეს.
26 იანვარს აქცია სოფლის მკვიდრმა, ადგილობრივი არასამთავრობო მოძრაობის წარმომადგენელმა ელენა კალინინამ მოაწყო. მან საკუთარი ხელით გამოძერწა თოვლისგან “აქციის მონაწილეები” და მათ პლაკატები – “Долой царя”, “Вова, между нами все кончено”, “Это наша страна!!!”, “Мир хижинам, войну дворцам”, დააკავებინა.
27 იანვარს დილით, აქციის “დარბევის” შემდეგ, პოლიციის უფროსი საგონებელში იყო ჩავარდნილი – მან არ იცოდა, კოდექსის რა მუხლის საფუძველზე უნდა შეედგინა ოქმი.
აქციის ორგანიზატორი კი პოლიციის “მადლობელიც” კი დარჩა. მისი თქმით, ამ “დარბევის” შედეგად მისი აქციის შესახებ ინფორმაცია მთელმა მსოფლიომ შეიტყო, ხოლო ხელისუფლებას ის უყურადღებოდ რომ დაეტოვებინა, ინფორმაცია სოფლის მასშტაბს არ გასცდებოდა.
კომენტარები