“ფოთში შემზარავი ამბავი მოხდა” – ელისო ჯანაშია

ელისო ჯანაშია სოციალურ ქსელში, წერს:

კიოდა თურმე ძაღლი… ყველას ესმოდა. ირგვლივ 10- მდე კორპუსია. ბოლოს სადარბაზოსთან დააგდეს გაფატრული, ნაწამები ძაღლი.

დილით მეზობლებმა სისხლი გადარეცხეს, ძაღლი დამარხეს და პოლიცია არ გამოიძახეს.

ფაქტი ცხოველმოყვარულებმა რამდენიმე დღის შემდეგ გაიგეს. გამოძიება დაიწყო.

ახლა ირკვევა, რომ ეს პირველი შემთხვევა არაა: ადრე მეძუძურ, პატრონიან ძაღლს ტირის თოფი ესროლეს,

და რაც ყველაზე მძიმეა – დაუჭრიათ მათი თანატოლი მოზარდიც, რომელიც კლინიკაშიც იწვა და გადარჩა.

საქმე მაშინ ჩაუფარცხავთ. მაგრამ სადისტებმა განაგრძეს სადისტობა! მე თქვენ გეტყვით, ან ფსიქოლოგს ჩართავდნენ და ან ამ მოზარდების ფსიქიკურ მდგომარეობას შეამოწმებდნენ.

დღეს თურმე ცდილობენ პასუხისგების თავიდან აცილებას – ერთ სრულწლოვანს „ყველაფერი თავზე აქვს აღებული“, რომ საქმე ჯგუფურად არ დაკვალიფიცირდეს.

ყველას ესმის: ერთი ადამიანი მარტო ვერ მოახერხებდა ამას და ყველამ იცის, რამდენიც იყვნენ.

მოვითხოვ:

– საქმე დაკვალიფიცირდეს, როგორც ჯგუფური დანაშაული;

– პასუხისმგებლობა დაეკისროს ყველა მონაწილეს, ასაკის მიუხედავად;

– შეფასდეს იმ მეზობლების ქმედება/უმოქმედობა, რომლებმაც არ გამოიძახეს პოლიცია და მტკიცებულებები გააქრეს;

– საქმე არ დაიხუროს „ერთის აღიარებით“.

დღეს ცხოველს ფატრავენ და სდუმან, ხვალ ადამიანს აფატრავენ და ისევ დადუმდებიან.

“ჩემი საქმე არაა”- ესაა ყველაზე კრიმინალური აზროვნება, რონელიც ამ ქალაქში ფესვგამდგარია აქ არავინ არაფერს იხებს და ეს ეტყობა ქალაქსაც

არ გაგახაროთ იმ ძაღლის ცოდვამ, ვინც დუმდით და დუმხართ ყველა დანაშაულზე. იმაზეც, რასაც ეს ხელისუფლება იდენს თქვენი შვილების მიმართაც და მომავალს უსპობს.

ამ დუმილით ხელს აძლევთ კრიმინალთან შეზრდილ ქოცურ სისტემას, სადაც პასუხს არავინ აგებს ძალადობასა და ღალატზე..

დუმილი თანამონაწილეობაა. ყველა თანამონაწილე ხართ, ვინც ხმა არ ამოიღეთ. თქვენს გვერდით ცხოვრება საშიშია!

P.S.მათი მოკლული ძაღლების ფოტოები “ფოთი ოთხფეხა მეგობრებმა” გაავრცელა.