ფაშისტური იდეოლოგიის დაჯგუფების 16 წევრს, რომელთა შორის 10 არასრულწლოვანია, აღკვეთის ღონისძიების სახით პატიმრობა შეეფარდათ. გადაწყვეტილება მოსამართლემ გუშინ გამართულ სხდომაზე მიიღო.
გამომდინარე იქიდან, რომ დაკავებულთა შორის არასრუწლოვნები არიან, სასამართლო სხდომა დახურულ რეჟიმში ჩატარდა.
შსს-ს მიერ გავრცელებული მძიმე კადრები ე.წ. ნეონაცისტური, ძალადობრივი დაჯგუფების წევრების წინააღმდეგ ერთ-ერთ მთავარ მტკიცებულებად მიიჩნევა. ვიდეომასალაში ნათლად ჩანს, რომ დაჯგუფების წევრები მსხვერპლებს არა მხოლოდ ფიზიკურად უსწორდებოდნენ, არამედ მათზე სისტემურ ფსიქოლოგიურ ზეწოლას ახორციელებდნენ და ღირსების შემლახავ მოპყრობას მიმართავდნენ. თავდასხმები ჯგუფურად ხორციელდებოდა, ხოლო ძალადობის ამსახველ ვიდეოებს თავად იღებდნენ და სოციალურ ქსელებში ავრცელებდნენ.
კომენტარები