ახალგაზრდა ადვოკატთა ასოციაცია სოციალურ მუშაკებსა და პროკურორს არაკანონიერ ქმედებაში ადანაშაულებს და შესაბამის სამსახურებს დაინტერესებისკენ მოუწოდებს.
არჩილ კაიკაციშვილის განცხადებით, საქმე ცნობილ პიანისტს, არასრუწლოვან ც.ზ-ს ეხება, რომელიც დედის გარდაცვალების შედეგ ბებიასთან იზრდება. უფლებადამცველის თქმით, მას შემდეგ, რაც ბავშვის ცნობადობა გაიზარდა და მან საქმიანობიდან გამომდინარე მატერიალური სარგებლის მიღება დაიწყო, მამამ მისი და მისი დის მინდობით აღზრდაში გადაყვანა მოითხოვა.
მოსამართლემ მამის მოთხოვნა არ დააკმაყოფილა. სასამართლო პროცესების დასრულების შედეგ კი, საქმეში სოციალური მუშაკები ჩაერთნენ.
არჩილ კაიკაციშვილის განმარტებით, ჯანდაცვის სოციალურ მუშაკებზე გავლენა არასრულწლოვნის მამამ მოახდინა, ფარული გარიგების შედეგად გაყალბებული დასკვნა დადეს და ბებია ძალადობაში დაადანაშაულეს, გამოიცა ორდერი ბავშვების მამასთან 9 თვით გადაყვანის თაობაზე.
როგორც ადვოკატი ამბობს, მამას სურს ბავშვები წაიყვანოს მისი დის ოჯახში, რომელიც ცნობილი პროკურორის ზაზა კვირკველიას მეუღლეა. ახალგაზრდა ადვოკატების განცხადებით, თავად ბავშვებს საცხოვრებელი ადგილის შეცვლა არ სურთ. მოსამართლემ გადაწყვეტილება ხვალ უნდა გამოაცხადოს.
კომენტარები