თორნიკე რიჟვაძის თვითმკვლელობის საქმეზე გამოძიება ამ დრომდე დუმს. ოპოზიცია ფიქრობს, რომ მომხდარში სწორედ “ოცნებაა” გარეული, რომელსაც მათი თქმით, ფაქტების გასაჯაროება არ სურს.
“ერთიანობა ნაციონალური მოძრაობის” ერთ-ერთი ლიდერი ლევან ხაბეიშვილი ამბობს, რომ მომხდარიდან ერთი კვირის თავზეც ამ ბუნდოვანებით მოცულ საქმეზე კითხვებზე პასუხები არ არსებობს.
ერთი კვირა გავიდა თითქმის და არანაირი პასუხი რიჟვაძის თითმკვლეობაზე, თუ ესროლეს, მკვლელობაზე, პასუხი არ არსებობს. ფაქტია, ამ ადამიანს ჰკლავდნენ. რა მნიშვნელობა აქვს, თავად მიაღებინეს ეს გადაწყვეტილება თუ ესროლეს, თუმცა ცხადია, რომ აქვს საზოგადოებას ეჭვი, რომ მას შესაძლოა, ესროლეს ამ “ბესპრიძელშიკურ” გარჩევაზე. საუბარია იმაზე, რომ სადღაც ორი ტყვიაა ნასროლი – პასუხი არ გვაქვს, საუბარია იმაზე, რომ შს მინისტრი იყო, ამბობენ, რომ ვიღაც კრიმინალებიც იყვნენ – არანაირი პასუხი არ არსებობს. ბუნდოვანებითაა მოცული. ისიც კი არ ვიცით, რამდენი ადამიანი იყო სუფრაზე. არადა, ძალიან მარტივი გასარკვევია, – ამბობს ხაბეიშვილი.
კოალიცია “ძლიერი საქართველოს” წევრი გიორგი სიორიძე მომხდარს დადგმულ სპექტაკლად მიიჩნევს. მისი თქმით, ეს იმ “კრიმინალური წარსულის გამოვლინებაა, რაც ივანიშვილს მოსკოვიდან მოჰყვება”.
ივანიშვილის რეჟიმი უკვე ისეთი გახდა, რომ ადამიანების სიცოცხლით აწყობს ასეთ სპექტაკლებს, რომელიც რაღაც განგსტერულ ფილმებში გვინახავს. ეს უკვე სულ სხვა ფაზაა, როდესაც რაღაც წერილი იპოვა მედდამ გულის ჯიბეში და საერთოდ, ეს ყველაფერი არის იმ კრიმინალური წარსულის გამოვლინება, რაც ივანიშვილს მოჰყვება მოსკოვიდან, – ამბობს სიორიძე.
გახარიას გუნდის წევრი ზაზა თავაძე პირდაპირ ამბობს, რომ ვერსია, რომელსაც “ოცნება” გვთავაზობს, საზოგადოებაში ეჭვებს აჩენს, რაგან თავად ივანიშვილის გუნდი დგას ტყუილსა და კორუფციაზე.
საზოგადოებას არ სჯერა და საზოგადოებისთვის მიუღებელია ის ვერსია, რომელიც შეთავაზებული იქნა “ოცნების” რეჟიმის მიერ, იმიტომ, რომ თვითონ “ოცნების” რეჟიმი დგას ტყუილებზე, დგას კორუფციაზე და დგას შავ სალაროზე. როგორც ამბობენ, ამ შავი სალაროს გადანაწილების პროცესს მოჰყვა ეს სისხლიანი გარჩევა, – ამბობს ზაზა თავაძე.
კომენტარები