ჯანდაცვის მინისტრის პირველი მოადგილის თამარ გაბუნია განმარტავს რატომ არის საქართველოში ვაქცინა შემოტანილი:
“ვაქცინის დანერგვის გეგმაზე მუშაობა დაიწყო 2020 წლის ნოემბერში. 18 იანვარს ქვეყანამ გააკეთა განაცხადი კოვაქსის პლატფორმაზე მზაობის დასადასტურებლად, რომ ის მზად არის მიიღოს ნებისმიერ ცივი ჯაჭვის მოთხოვნების მქონე ვაქცინა, მათ შორის ფაიზერი, ასტრაზენეკა და მოდერნა. მოდერნა ამ დროისთვის კოვაქსის პლატფორმაზე არ განიხილება, ამიტომ 2 ვაქცინაზე ვმუშაობთ. შემდეგ 28 იანვარს, ქვეყანამ მიიღო მზაობის შეფასების საფუძველზე დამადასტურებელი წერილი, რომ გადაეცემა ფაიზერის 29 ათასი დოზა, ხოლო ასტრაცენეკას 180 – 300 ათასამდე დოზა ეტაპობრივად.
28 იანვარის შემდეგ დაიწყო აქტიურად მუშაობა შესყიდვის პროცედურებზე კოვაქსის მეშვეობით.
ასტრაზენეკას შემთხვევაში ქვეყანამ გაიარა პასუხისმგებლობების დაზღვევის ხელშეკრულების ეტაპი. ეს არის კიდევ ერთი ეტაპი, რომელსაც ხელი მოვაწერეთ და ამით ერთი ეტაპი დასრულდა.
ზუსტად იგივე ეტაპი გასავლელია ფაიზერთან მიმართებაში.
როცა ველოდებით ფაიზერის შემოტანას, კოვაქსმა შეგვატყობინა, რომ არის გარკვეული დამატებითი მოთხოვნები ფაიზერის მიერ, რომელიც არ უკავშირდება ქვეყნის ტექნიკურ მზაობას ვაქცინის მიღებისთვის და დაკავშირებულია პასუხისმგებლობის ფინანსურ გადაზღვევასთან, რომლის დეტალებს 23 თებერვლის წერილში კოვაქსი ვერ გვატყობინებს, თუმცა გვპირდება, რომ მომდევნო კვირაში დაინიშნება სატელეფონო კონსულტაცია, სადაც დაზუსტდება ეს პირობები. საბოლოოდ შევთანხმდებით პირობებზე, მერე გადავალთ ფინანსურ ნაწილზე”
ჯანდაცვის მინისტრის მოადგილე, პრინციპში ადასტურებს, რომ “ფაიზერთან” მიმართებაში დაზღვევის ხელშკრულება არ დაუდიათ, შესაბამისად, რატომ ადანაშაულებს “კოვაქსს” ტყუილში – გაუგებარია.
ჯანდაცვის სამინისტროს განცხადებით 23 თებერვლის წერილში დაპირდა კოვაქსი, რომ მომდევნო კვირაში ჩაინიშნებოდა სატელეფონო კონსულტაცია, გავიდა თუ არა 23 თებერვლიდან მომდევნო კვირა და იყო, თუ არა სატელეფონო კომუნიკაცია, ჯანდაცვის სამინისტრო ამაზე კომენტარს არ აკეთებს.
კითხვაზე, კოვაქსმა “გადაგდო” საქართველო, თუ საქართველოს მთავრობამ “გადააგდო” მოსახლეობა, პასუხი ისევ არ გვაქვს – რადგან, როგორც გვეუბნებიან, კოვაქსმა კი დაადასტურა მზაობა ვაქცინის მოწოდებაზე ჯერ კიდევ იანვარში, მაგრამ მერე უკვე გაუგებრად გვიყვებიან, როდის მოითხოვა გადაზღვევა, დაგვიანებით მოითხოვა და ვერ მოასწრეს, თავიდანვე მოითხოვა და არ მოასწრეს? – იმედია, ოდესმე კოვაქსი მაინც გვეტყვის სიმართლეს.
კომენტარები