„ფაიზერის“ ხელმძღვანელის თქმით, „კოვიდ-19“-ის საწინააღმდეგო ვაქცინის გაკეთება მოქალაქეებს ყოველწლიურად კიდევ დიდხანს მოუწევთ. ალბერტ ბურლას თქმით, ეს საჭირო იქნება, რათა მოქალაქეებმა „ვირუსის წინააღმდეგ მტკიცე დაცვა“ შეინარჩუნონ.
ამის შესახებ განცხადება კომპანია „ფაიზერის“ უფროსმა „ბიბისისთან“ ინტერვიუში გააკეთა.
მისივე განცხადებით, „ფაიზერმა“ უკვე შექმნა ვაქცინები კორონავირუსის „ბეტა“ და „დელტა“ ვარიანტების წინააღმდეგ, მაგრამ მათი საჭიროება დღის წესრიგში არ დადგა.
ახლა კომპანია მუშაობს „ომიკრონის“ საწინააღმდეგო ვაქცინაზე, რომელიც 100 დღეში იქნება მზად.
როგორც ბურლა ამბობს, ვაქცინაციამ მილიონობით ადამიანის სიცოცხლე გადაარჩინა და მათ გარეშე „ჩვენი საზოგადოების ფუნდამენტური სტრუქტურა საფრთხის წინაშე დადგებოდა“.
კომენტარები