უკრაინის საკანონმდებლო ორგანოში კიევის მოკავშირე სახელმწიფოების დროშები გაიშალა. ამ ჟესტით დეპუტატებმა ყოფილი პრეზიდენტის პეტრო პოროშენკოს მიერ დაფუძნებული პარტიიდან „ევროპული სოლიდარობა“ მადლობა გადაუხადეს პარტნიორებს რუსეთიდან მომდინარე საფრთხის ფონზე უკრაინისთვის აღმოჩენილი მხარდაჭერისთვის.
აღსანიშნავია, რომ დეპუტატებმა გაშალეს თურქეთის, აშშ–ის, კანადის, დიდი ბრიტანეთის, დანიის, ჩეხეთის და ა.შ დროშები, თუმცა მათ შორის არ იყო საქართველოს სახელმწიფო სიმბოლიკა.
„საქართველოს დროშას გამოვიყენებდი როგორც, საქართველოს მიერ უკრაინის მხარდაჭერის ნიშანს. თუმცა იმ პერფორმანსში არ იყო ყველა იმ ქვეყნის დროშა, რომელიც მხარს უჭერს უკრაინას. ძირითადად წარმოდგენილი იყო დასავლეთის იმ სახელმწიფოების დროშები, რომლებიც უკრაინას იარაღს აწვდიან. საქართველო ჩვენი საიმედო სტრატეგიული პარტნიორია და ძალიან ვაფასებთ თქვენს მხარდაჭერას!“ – ამბობს უკრაინის პარლამენტის საგარეო ურთიერთობათა კომიტეტის თავმჯდომარე ოლექსანდრ მერეჟკო.
კომენტარები