ჟურნალისტი ლუკა წიქარიშვილი სკოლის პერიოდს იხსენებს და სოციალურ ქსელში ვრცელ პოსტს აქვეყნებს.
როგორც თავად წერს, მას ქულების დამრგვალება შესთავაზეს მასწავლებლებმა, რათა ატესტატი აეღო. თუმცა, მან უარი განაცხადა და არ აქვს ატესტატი.
მისივე თქმით, ეს 139-ე სკოლაში ჩვეულებრივი მოვლენაა და არაერთ მოსწავლეს აუღია ატესტატი “ჰაერში”.
“ყველამ იცით, მე სკოლის ატესტატი არ მაქვს, ხოდა მინდა საინტერესო და მნიშვნელოვანი დეტალი აღვნიშნო, ის რაც აქამდე საჯაროდ არ მითქვამს.
მე-12 კლასი დაემთხვა პანდემიას, პოზიცია მე უკვე მქონდა – ქართული განათლების სისტემა არაფრად ვარგია. მერე მოხდა ს ა ს წ ა უ ლ ი… პედაგოგებმა დამირეკეს და მთხოვეს იუზერი და პაროლი მოგვეცი, ჩვენ დაგიწერთ და გექნება ატესტატიო :)) გაგიხარდებოდათ ხო თქვენ? ბევრი ბავშვისთვის გაუკეთებიათ თურმე ასე 139-ე საჯარო სკოლაში და არამარტო. ხოდა, თადუმაძის ყალბი დიპლომის არ იყოს, გაუკეთეთ მიხეილ ჩხენკელს ეგ ყალბი ატესტატები და დამრგვალებული ქულები უკან! ნუთუ ვერ ხვდებით, რომ ასეთ მნიშვნელოვან ადგილას სიყალბის, ტყუილის და შეცოდების ადგილი არ არის! ვერ გადალახავს მოსწავლე დონეს? ვერ უნდა შეადგას ფეხი უმაღლესში! აკნინებთ უმაღლესი განათლების ინსტიტუტს და მერე მე გეზიზღებით როდესაც ვამბობ უნივერსიტეტებში “უმაღლესი” აღარაფერია და მხოლოდ ფულის ქარხნებად არიან გადაქცეულითქო. რადგან თორმეტივე კლასის ატესტატი არ მაქვს, ნამდვილად არ ვთვლი თავს ვინმეზე ნაკლებად განათლებულს. 2012 წელს, 10 წლის ბაშვშმა დავიწყე ჟურნალისტიკის სწავლა, მე-4 და მე-5 კლასში მეცნიერება მიზიდავდა და მე-10, მე-11 და მე-12 კლასების ფიზიკა-ქიმია-ბიოლოგიის მასალა ვიცოდი ზეპირად :)) რაკეტებს ვაწყობდით მე და ჩემი მეგობრები, სიგნალს გადავცემით ერთმანეთს, ელექტროენერგიაზე მომუშავე ციგებს ვაწყობდით და ყველაზე სწრაფად ჩვენ ვსრიალდებდით. სიას აღარ გავაგრძელებ, ძალიან ძნელია. რისი თქმა მინდოდა – დღეს განათლება კონკრეტული ინფორმაცია და სწავლის მეთოდი გვგონია, არადა ამ დროს როგორ ცდებით
განათლება უფრო მეტია ვიდრე საშინაო დავალება, უფრო მეტია ვიდრე ქაღალდის ნაგლეჯი, უფრო მეტია ვიდრე ბიუროკრატია, უფრო მეტია ვიდრე სტერეოტიპები და შიში
განათლება გზაა ცივილიზაციისკენ, ყოველდღიური ბედნიერებისკენ, გაგებისკენ, ემპათიისკენ, ჩვენი თავების შეცნობისკენ, სამყაროს შეცნობისკენ, პასუხებისკენ! ხოდა არასდროს მისცეთ უფლება გადაგიწყვიტონ განათლების რომელ გზას აირჩევთ! გამოდით სკოლიდან თუ საჭიროა, გამოდით უნივერსიტეტიდან თუ საჭიროა, გამოდით კოლეჯიდან თუ საჭიროა! 21-ე საუკუნეში, ტექნოლოგიების დახმარებით უფრო მეტი არსებობს, ვიდრე შენობაში სადაც დაკომპლექსებული “საგნის(პროფესიის) ექსპერტები” მხოლოდ ხელფასის გამო სხედან. არ დაკარგოთ რა ერთი წუთიც, გთხოვთ” ,- წერ წიქარაშვილი ფეისბუკზე.
კომენტარები