პენიტენციური სამსახურის განცხადებით, პატიმრებს ხანმოკლე პაემნით სარგებლობისა და ამანათების მიღების უფლება შეეზღუდათ. უწყებაში ამბობენ, რომ შეზღუდვები უწყებათაშორისი საკოორდინაციო საბჭოს გადაწყვეტილების საფუძველზე ამოქმედდა.
მათი ინფორმაციით, ბრალდებულებსა და მსჯავრდებულებს 2020 წლის პირველ იანვრამდე შეუჩერდათ პატიმრობის კოდექსით განსაზღვეული ხანმოკლე პაემნით სარგებლობის უფლება, ხოლო ამავე კოდექსით განსაზღვრული ამანათების უფლება შეუჩერდათ მიმდინარე წლის 28 დეკემბრამდე.
უწყებაში ამბობენ, რომ შეზღუდვების მოქმედების ვადის შემდგომ გაგრძელებასთან ან მოხნასთან დაკავშირებით გადაწყვეტილებებს ეპიდსიტუაციიდან გამომდინარე, საკოორდინაციო საბჭოს რეკომენდაციების შესაბამისად მიიღებენ.
მსგავსი შეზღუდვები საპატიმრო დაწესებულებში მარტშიც მოქმედებდა, როცა მთავრობამ კორონავირუსის გამო ლოქდაუნი გამოაცხადა.
კომენტარები