მას შემდეგ, რაც პატიმრები ციხეში არსებულს გაუსაძლის მდგომარეობაზე ალაპარაკდნენ, მათი მშობლები სახალხო დამცველს მოუწოდებენ, სასწრაფო მონიტორინგისთვის პენიტენციურ სისტემაში შევიდეს. სინდისის პატიმრების ოჯახის წევრები მოითხოვენ, ომბუდსმენმა დაადგინოს, რამდენი მედიკოსი ემსახურება გლდანის ციხეს, ვინ არის პასუხისმგებელი საპატიმროში შეტანილ გაფუჭებულ საკვებ პროდუქტებზე და სად არის ადმინისტრაცია, როცა ასობით ადამიანის უფლება ირღვევა.
არჩილ მუსელიანცის დედობილი ცარო ოშაყმაშვილი ამბობს, რომ აქვს ინფორმაცია, რომ ციხის კორპუსებს შორისაც კი განსხვავებაა და “საჩვენებელი კორპუსიც” კი არსებობს.
პირველ რიგში, ჯანდაცვასთან დაკავშირებით არის ძალიან მძიმე მდგომარეობა. ჩაკეტილები არიან საკანში და ჰაერი მათთვის არ არის. მის საკანშ არის პატიმარი, რომელიც არის შეუძლოდ, რომესაც არ აქცევენ ყურადღებას. ასევე, საჭმელლებთან დაკავშირებით. არჩილი წერს, რომ იქ კორპუსებს შორის არის განსხვავება. არის საჩვენებელი კორპუსი, ალბათ რომელიღაცა ჩვენი პატიმარიც იმ საჩვენებელ კორპუსშია, სადაც უფრო მეტი სისუფთავეა, მეტი ყურადღებაა, უკეთესი საჭმელი, – ამბობს ცარო ოშაყმაშვილი.
ციხეში არსებულ მძიმე ვითარებაზე საუბრობს სინდისის პატიმრის, ანტო ჩეჩინის მეუღლეც.
საჭმელი ნამდვილად საშინელია. ბოლოს ისიც მითხრა, რომ რამდენიმე დღეა უკვე მაღაზიიდანაც კი არ ამოუტანიათ საჭმელი, რაც დავწერეო. რა თქმა უნდა, ციხის საჭმელი საერთოდ არ იჭმევა და ვერც გაეკარება ადამიანი, რაღაცაც თუ ამოარჩევენ და შეჭამენ. ექიმებს არ ანახებენ მიუხედავად იმისა, რომ მითხრა, ბოლო რამდენიმე დღეში ძალიან გამიუარსედა მხედველობაო. ძალიან არის ანტონის მდგომარეობა გართულებული, ანასტასიაც, რომ უკვე სიცოცხლეზეა ლაპარაკი და არც კი ვიცით უკვე თუ გაუმჯობესდება მათი მდგომარეობა მკურნალობის შედეგადაცდა არც კი მკურნალობენ და რაც დრო გავა, მით უფრო ნაკლებია მკურნალობის შანსიც. ამის გამო ვითხოვთ დახმარებას, კლინიკაშია ეს ორივე ადამიანი გადასაყვანი, – ამბობს მანჩო სამხარაძე.
კომენტარები