დედაქალაქის მერი კახა კალაძე სამოქალაქო მოძრაობა #სირცხვილიას პასუხობს და ამბობს, რომ პარლამენტის მიმდებარე ტერიტორიაზე სარეაბილიტაციო სამუშაოებს პროფესიონალები ასრულებენ.
კალაძის თქმით, სამუშაოები პარლამენტთან ამ წუთებშიც მიმდინარეობს და მისი გაჭიანურება ახალი კორონავირუსის პანდემიამ გამოიწვია.
„გარკვეული პრობლემები იყო, როგორც პარლამენტის მიმდებარე ტერიტორიაზე, ასევე სხვა ინფრასტრუქტურულ სამუშაოებზეც, რომლებიც მთელი ქალაქის მასშტაბით მიმდინარეობდა. შეფერხებები იყო არსებული პანდემიის გამო. იმ პრობლემების გამო, რომელშიც არა მხოლოდ საქართველო, მთელი მსოფლიო იმყოფება“, – განაცხადა კახა კალაძემ.
რაც შეეხება აქციებსა და გამოხატვის თავისუფლებას, კახა კალაძის თქმით, ქვეყანაში გამოხატვის თავისუფლება ყველას აქვს და აქციებისა და შეკრებების შეზღუდვა არასდროს ყოფილა ხელისუფლების მიზანი.
ცნობისთვის „სირცხვილიამ“ თბილისის მერს კახა კალაძეს „ფეისბუკის“ საკუთარი გვერდიდან მიმართა და შეატყობინა, რომ 20 ივნისს წლისთავზე, მოძრაობა პარლამენტის შენობის წინ აქციის გამართვას გეგმავს.
მანამდე კი სამოქალაქო მოძრაობამ მზადყოფნა გამოთქვა დაასრულოს აღნიშნულ ტერიტორიაზე მიმდინარე სარეაბილიტაციო სამუშაოები, რომელიც უკვე რამდენიმე თვეა მიმდინარეობს.
ბატონო კახა, პარლამენტთან სამუშაოებს პროფესიონალები ასრულებენ, როგორც თქვით და პარლამენტში?
კომენტარები