გენადი ბესტაევი, ჩვენი მოქალაქე, რომელიც უკვე 2 წელიწადია იმყოფება ცხინვალის ციხეში, ინსულტის შედეგად გადაიყვანეს ცხინვალის კლინიკაში – ამის შესახებ მოძრაობა „ძალა ერთობაშიას“ ლიდერი დავით ქაცარავა სოციალურ ქსელში წერს. ქაცარავა საქართველოს მთავრობას რეაგირებისაკენ მოუწოდებს. წინააღმდეგ შემთხვევაში კი ავტობანზე აქციის გამართვით ემუქრება.
„ამ წუთას ვესაუბრე ბატონ ვაჟა გაფრინდაშვილს. გენადი ბესტაევი, ჩვენი მოქალაქე, რომელიც უკვე 2 წელიწადია იმყოფება ცხინვალის ციხეში, ინსულტის შედეგად გადაიყვანეს ცხინვალის კლინიკაში. მისი მდგომარეობა მძიმეა, ის კომაშია. საქართველოს ე.წ. მთავრობას მივმართავ – ეხლა მაინც რამე მოიმოქმედეთ და სასრაფოდ გადმოიყვანეთ ეს ადამიანი და გადაარჩინეთ! არ გადმოიყვანთ? ავტობანზე გაგიმართავთ აქციას!!!!! იქედან პარლამენტთან. მოვალ და გავრილოვის ღამე მონაგონი იქნება!!!სასწრაფოდ იმოქმედეთ, მაგრად მინდა შევიგინო თქვენზე, მაგრამ ამის უფლებას მაინც არ მივცემ საკუთარ თავს!!!!სასწრაფოდ!!!!“ – წერს ქაცარავა.
კომენტარები