რუსთაველის გამზირზე, პარლამენტის წინ ოპოზიციური პარტიებისა და მათი მხარდამჭერების საპროტესტო აქცია დასრულდა.
როგორც „ერთიანი ნაციონალური მოძრაობის“ ერთ-ერთმა ლიდერმა ნიკა მელიამ განაცხადა, აშშ-ს სახელმწიფო მდივნის მაიკ პომპეოს ჩამოვლისას ისინი საპროტესტო აქციას ისევ გამართავენ და საერთაშორისო მედიის ყურადღებას მიიქცევენ.
„მოგვიწევს არაერთხელ შეკრება სხვადასხვა ფორმატში და არამხოლოდ რუსთაველის გამზირი იქნება შეკრების ადგილი. ახლა, ბევრი ჩვენი მეგობარი, ბევრი თქვენგანი სხვადასხვა ქალაქიდან ხართ ჩამოსულ და უნდა დაბრუნდეთ 22:00 საათამდე, ვიდრე ე.წ. კომენდანტის საათი ამოქმედდება. ხვალ, ზეგ, თქვენ შეგატყობინებთ ზუსტ თარიღს, იქნება ეს 17 ნოემბერი, თუ 18 ნოემბერი, დღე, როცა ამერიკის შეერთებული შტატების სახელმწიფო მდივანი ჩამოდის საქართველოში, მასთან ერთად იქნება მსოფლიო საერთაშორისო მედია წარმოდგენილი, მნიშვნელოვანია, რომ რუსთაველის გამზირზე შეკრებილი თავყრილობა ცნობილი გახდეს მსოფლიოსთვის. ჩვენ ჭკუით, პრაგმატულობით და რაციონალიზმით უნდა დავამარცხოთ რეჟიმი, ასე იყო და ასე იქნება!“, – განაცხადა მელიამ.
კომენტარები