სტიქიის ზონაში ჩარჩენილ ადამიანებს ნათესავები ეძებენ. უკვე რამდენიმე დღეა, მოქალაქეები გურიაში მცხოვრებ ოჯახის წევრებთან კონტაქტზე ვერ გადიან – ეძებენ დედებს, მამებს და ნათესავებს.
“პირველებს” ადგილობრივი უყვება, რომ განსაკუთრებით სხვადასხვა დაადების მქონე ადამიანებს უჭირთ. ირკვევა, რომ პარკინსონით დაავადებულ ქალს 5 დღეა შეტევები აქვს, თუმცა მის დასახმარებლად ვერავინ ადის. ასევე წამლის გარეშეა დარჩენილი ონკოპაციენტი.
ჩემგან დაახლოებით 6 კმ-ში არის მოხუცი ცოლ-ქმარი, მათთან ვერ გადიან კონტაქტზე, ვერ უკავშირდება ვერავინ. გამგებელი მეუბნება, იქამდე ძალიან გაგიჭირდება მიღწევაო, მარა რა გავაკეთო აბა, უნდა წავიდე. ზოგადად, ყველას პრობლემა აქვს აქ პროდუქტების და ელექტროენერგიის, მაგრამ განსაკუთრებით მნიშვნელოვანია პარკინსონით დაავადებული ქალბატონი, მარინა ზაქარიაძე, რომელსაც მწვავე პარკინსონი აქვს, როგროც გამგებელმა მითრა, ხუთი დღეა შეტევები აქვს და სასოწარკვეთილი ითხოვს, რომ აქედან გაიყვანონ. საშინლად ეშინია, მარა არავინ არაფერს არ აკეთებს. ასევე არის ონკოპაციენტი, რომელსაც წამალი სჭირდებოდა, 5 დღე ითხოვს ეს ქალბატონი დახმარებას. ჯუმათში ვარ მე, გზა ნაწილ ადგილებში ქვემოთ გაწმენდილია ზემოთ არა”, – ამბობს ადგილობრივი.
კომენტარები