„ნაციონალური მოძრაობის“ კლასტერი არის ძალიან საშიში კოვიდინფექციის გავრცელების თვალსაზრისით და ჩვენ არაერთხელ ვიხილეთ მათი უპასუხისმგებლო ქმედებები, – ამის შესახებ თბილისის მერმა, კახა კალაძემ „ქართული ოცნების“ ცენტრალურ ოფისში გამართულ ბრიფინგზე განაცხადა. მისი აზრით, ისინი მიზანმიმართულად აკეთებენ იმას, რომ რაც შეიძლება მეტი ადამიანი დაინფიცირდეს.
„ჩვენ ვნახეთ ბათუმის აქცია, სხვა ბევრი შემთხვევა. კონკრეტულად გუშინ, რაც საოლქო კომისიებთან ხდებოდა, დაახლოებით 20-მდე ადამიანი იყო შეკრიბილი, ნიღბების გარეშე და ცდილობდა დესტრუქციის მოწყობას, რაც სერიოზულ პრობლემას წარმოადგენს. ეს არის თემა, როცა პოლიტიკა უნდა გადავდოთ გვერდით. ამ ქვეყნის შვილები ვართ და არ აქვს მნიშვნელობა, ჩვენ ვართ ხელისუფლების წარმომადგენლები, ვიღაცას აქვს განსხვავებული მოსაზრება და ეს არის თემა, სადაც ყველა უნდა ვიყოთ ერთიანები და უნდა გავუფრთხილდეთ ჩვენი ქვეყნის თითოეულ მოქალაქეს, ეს იქნება „ოცნების“ თუ სხვა პოლიტიკური პარტიის მხარდამჭერი, ამას არ აქვს მნიშვნელობა, რადგან ადამიანის სიცოცხლე და ჯანმრთელობის უსაფრთხოება ყველაზე მაღლა დგას“, – განაცხადა კალაძემ.
კომენტარები