უნდა მოხდეს დიდი პოლიტიკური ამნისტია რომელიც შეეხება ყველას, დღევანდელ ხელისუფლებასაც. უნდა ჩაიწეროს, რომ პოლიტიკური დევნა აღარ იქნება ამ ქვეყანაში. თუ ასე ექცევი შენს წინამორბედს შესაძლებელია, რომ ხელისუფლების შეცვლის შემდეგ შენც იგივე დაგემართოს. „ოცნების“ ყველაზე დიდი შეცდომა ის არის, რომ პრეცედენტებს უშვებენ და ეს შეიძლება გაუმეორდეთ, – ეს განცხადება გუბაზ სანიკიძემ საერთო ეროვნული შერიგების თემაზე კომენტირებისას გააკეთა.
შეგახსენებთ, საქართველოს პრეზიდენტმა, სალომე ზურაბიშვილმა შეერთებული შტატების პრეზიდენტის, ჯო ბაიდენის ინიციატივით გამართულ დემოკრატიის სამიტზე სიტყვით გამოსვლისას აღნიშნა, რომ ის პოლარიზაციის, სიძულვილისა და დაყოფის დასაძლევად ეროვნული მასშტაბის ინკლუზიურ პროცესს წამოიწყებს, სადაც მთელი საზოგადოება იქნება ჩართული.
მანამდე საერთო ეროვნულ შერიგებაზე განცხადება საქართველოს მესამე პრეზიდენტმა მსჯავრდებულმა მიხეილ სააკაშვილმა გორის ჰოსპიტალიდან გააკეთა.
კომენტარები