“ოცნებას” ტყუილად აქვს ილუზია, რომ ჯარიმებით და მსგავსი ქმდებებით პროტესტს ჩაახშობენ“ – ტატო ქელბაქიანი

არასამთავრობო ორგანიზაცია „პრევენცია პროგრესისთვის“ გამგეობის თავმჯდომარე ტატო ქელბაქიანი ამბობს, რომ რეჟიმის მცდელობების მიუხედავად, პროტესტი ჩაახშოს, მოქალაქეები არ გაჩერდებიან. იურისტის თქმით, “ოცნებას” ტყუილად აქვს ილუზია, რომ ჯარიმებით და გამკაცრებული კანონებით რაიმეს მიაღწევს.

„რუსთაველის გადაკეტვა მათ ძალიან აწუხებთ, ამიტომ ყველანაირად ცდილობენ, რომ ერთი დღე მაინც მოახერხონ, რომ ამის გადაკეტვა ვერ მოხერხდეს. მე დარწმუნებული ვარ, გუშინდელის მერე დღეს უკვე ძალიან ბევრი ადამიანი იქნება რუსთაველზე საპროტესტო აქციაზე. ტყუილად აქვთ ილუზია, რომ ამ ჯარიმებით და სხვა მსგავსი ნაბიჯებით რამე ფორმით მაინც შეაჩერებენ ამ პროტესტს. ზუსტად ამ მიზნითაც კეთდება ეს შაბათის აქცია, რომ კიდევ ერთხელ ძალიან ბევრი ადამიანი შევიკრიბოთ და ვაჩვენოთ, რომ ეს პროტესტი არ შეჩერდება, – ამბობს ტატო ქელბაქიანი. უწყვეტი პროტესტის 73-ე ღამეს რეჟიმს ნერვებმა კიდევ ერთხელ უმტყუნა. გზის გადაკეტვით გაღიზიანებულმა ოლიგაქმა საპოლიციო ძალების სრული მობილიზაცია გამოაცხადა. რუსთველის გამზირზე ნიღბიანები და დაკავების მანქანები გაიყვანეს. ძალის გამოყენებით და სიტყვიერი შეურაცხყოფით აიძულეს მოქალაქეებს გზის სავალი ნაწილის გათავისუფლება“ – ამბობს ტატო ქელბაქიანი.