“ოცნებამ ამ გაწამებულ, გაყინულ, გულწასულ მშობლებს სხვა მშობელი დაუპირისპირა” – სალომე სიმონია

სამოქალაქო აქტივისტი, სალომე სიმონია:

ცოტა ხნის წინ, დიუშენის სინდრომის მქონე ბავშვის დედამ გონება დაკარგა. სასწრაფო დახმარების ბრიგადა დარეკვიდან ნახევარ საათში მოვიდა.

დედა რომ მომჯობინდა, ამბობდა: დილით ერთ სამსახურში წავედი, მერე სახლში ბავშვს მივხედე, მერე – მეორე სამსახურში და ახლა აქციაზეო.

ამ დროს, TV იმედმა გამოძებნა და ეთერში დასვა დიუშენის სინდრომის მქონე ბავშვის მშობელი, რომელსაც ათქმევინეს – წამალთან შედარებით უპირატესობას ფიზიკურ თერაპიას ვანიჭებ. სახელმწიფო რა სერვისებსაც უზრუნველყოფს იქ დამყავს ბავშვიო.

ანუ ოცნებამ ამ გაწამებულ, გაყინულ, ღამენათევ, გულწასულ მშობლებს სხვა მშობელი დაუპირისპირა და წამლის შემოტანის, ბავშვების გადარჩენის ნაცვლად, ისევ დაპირისპირებით შეეცადა თავის გადარჩენას.