“ქართული ოცნების” საგარეო ურთიერთობათა კომიტეტის თავმჯდომარე ნიკოლოზ სამხარაძის განცხადებით, ნიკა მელიას მიერ საპატიმროს დატოვების ორი გზა არსებობს – ენმ-ს თავმჯდომარემ ან ბრალი უნდა აღიაროს, ან გირაოს თანხა გადაიხადოს. რუსთავი 2-ის ეთერში სამხარაძემ აღნიშნა, რომ ახლა უკვე თავად მელიას ხელშია, რომელ გზას აირჩევს:
“სამართლებრივი გზა ახლაც არსებობს, ეს არის ისევ და ისევ გირაოს გადახდა და ასევე, ნაწილობრივ, ნიკა მელიას მიერ ბრალის აღიარება. მას საჯარო გამოსვლებშიც აქვს ნათქვამი, რომ ის იჭრებოდა პარლამენტში – ის ამას თუ აღიარებს სასამართლოშიც, მე მგონი, გამოსავალი იქნება ყველასთვის ძალიან კარგი. ეს მის ხელშია, როგორც აქამდე იყო”
როგორც ჩანს, ნიკა მელია უკვე გახდა ქართული ოცნებისთვის ის პატიმარი, რომლის თავიდან მოშორებაც სურს. თუმცა, იმასაც შეგახსენებთ, რომ მესამე გზაც აქვთ, შეუძლიათ, სწრაფად მიუსაჯონ და მერე სალომე ზურაბიშვილს შეაწყალებინონ! თუმცა, დიდი ალბათობით, ნიკა მელია არც ერთ ამ გზას არ დათანხმდება.
კომენტარები