“ოცნება” დარწმუნებულია “ენმ”-ის ყეყეჩობაში… ვურჩევდი “ენმ”-ს, ხელი მოაწეროს მიშელის შეთანხმებას…” – არჩილ გამზარდია

ანალიტიკოსი, არჩილ გამზარდია, სოციალურ ქსელში, წერს:

“ნაციონალურმა მოძრაობამ” მიშელის შეთანხმებას ხელი უნდა მოაწეროს?

________________________________________________

პროცედურულ დემოკრატიასა და ბიუროკრატიულ პოლიტიკაში “ქართული ოცნება”, შეიძლება ითქვას, ანგრევს ოპოზიციას.”პროცედურული დემოკრატია” კი დღეს დიქტატისა და ტოტალიტარიზმის თანამედროვე შეფუთვაა.

ხელისუფლების დღევანდელ გადაწყვეტილებაში არაფერ შუაში მგონია მითი შიდა კვლევებზე და პოტენციურ მარცხზე, ოპოზიცია წლებია ატრიალებს ამ უხარისხო პროპაგანდას და ყველა ჯერზე უშედეგოდ.

საქმე შარლ მიშელის შეთანხმებაშია და თუ “ნაციონალური მოძრაობა” ხელს არ მოაწერს მას, ეს “ანულირებაც” კვლავ შეეხოცება ხელისუფლებას.

“ქართულმა ოცნებამ” გაიძვერობაში კვლავ აჯობა ოპონენტებს, ამ ნაწილში, შარლ მიშელიც მათ მხარეს უფრო იქნება, ვიდრე “ნაციონალური მოძრაობის”.

მე ვურჩევდი “ნაციონალურ მოძრაობას”, ხელი მოაწეროს ამ შეთანხმებას და საგარეო მხარდაჭერა, თუნდაც ფორმალური და უეფექტო, კვლავ ოპოზიციისკენ გადმოხაროს.

“ქართული ოცნება” სავარაუდოდ, დარწმუნებულია “ნაციონალური მოძრაობის” ყეყეჩობაში, რომ ხელს არ მოაწერენ და დევიანტურ ქცევაში გადაიყვანენ, ამიტომ შეთანხმების ხელის მოწერა ახლა ერთადერთი გზაა ხელისუფლებისათვის სილის გაწვნაში.

აქვს აზრი ამ შეთანხმების ხელის მოწერას? – “ქართული ოცნების” პირობებში, ცხადია, არა, მაგრამ ზევით ბიუროკრატიული პოლიტიკა და პროცედურული დემოკრატია ვახსენე და ისიც გავითვალისწინლთ, რომ დასავლეთი ამაზე დგას და არა ჩვენნაირ ინტუიტურ იმპულსურობაზე.”