ფრანგული მედიის ცნობით, პანდემიის დროს მილიარდელების შემოსავლებმა ბოლო ათწლეულში ყველაზე მეტად მოიმატა. ინფორმაციას ოქსფამის კვლევაზე დაყრდნობით ავრცელებენ, რომელიც დღეს, 17 იანვარს გამოქვეყნდა.
კვლევის თანახმად, კიდევ უფრო გაუარესდა უთანასწრობის ინდექსის მაჩვენებელი. თუკი პანდემიის დროს მილიარდელების მდგომარეობა გაუმჯობესდა, მეორე მხრივ გაუარესდა საშუალო ფენის და ღარიბების მდგომარეობა.
ყოველ 26 საათში, მსოფლიოში ახალი მილიარდელი ჩნდება. ოქსფამის კვლევებში თავმოყრილი მონაცემების თანახმად, ადგილი აქვს მილიარდელების უპრეცედენტო გამდიდრებას პანდემიის დროს.
ამის მიზეზი არის არა მხოლოდ პანდემია, არამედ ხელისუფლების და ბანკების მხრიდან გაცემული თანხები – აცხადებს ოქსფამის წარმომადგენელი და პრესსპიკერი საფრანგეთში.
“საფრანგეთის მაგალითი რომ ავიღოთ, ფრანგმა მილიარდელებმა, კრიზისის დროს, თავიანთი შემოსავლები გაზარდეს 236 მილიარდი ევროთი, რაც არ უკავშირდება მათი მხრიდან რაიმე სახის ეკონომიკურ აქტივობას იმ დაწესებულებებსა თუ კომპანიებში, სადაც წილები აქვთ. მიზეზი ის გახლავთ, რომ კრიზისის დროს მათ მიმართ იყო საზოგადოების უპრეცედენტო მხარდაჭერა, ამ ასობით მილირდი ევროს ფინანსურ ბაზრებზე გატანის ჩათვლით.” – აცხადებს ქუენტინ პარინელო.
საპრეზიდენტო არჩევნებამდე ასი დღით ადრე, ორგანიზაცია მოუწოდებს პოლიტიკოსებს, თავინთ პროგრამებში შეიტანონ უთანასწორობის წინააღმდეგ ბრძოლა.
მოკვლეული მასალების მიხედვით ირკვევა, რომ თანმიმდევრული პოლიტიკის გატარების შემთხვევაში, რაც გულისხმობს საზოგადოებრივი სერვისების და სოციალურად დაუცველთათვის განკუთვნილი პროგრამების მეტ დაფინანსებას, უთანასწორობა, შესაძლოა, მკვეთრად შემცირდეს.
საბოლოო ჯამში კი, დაზუსტებით შეგვიძლია ვთქვათ, რომ ემანუელ მაკრონის ხუთწლიან ვადაში ყველაზე მდიდრებმა თავიანთი 1% გაზარდეს 2,8%-ით.
კომენტარები