რამდენიმე საარჩევნო ოქმში არსებული უზუსტობებისა და დისბალანსის გამო ოპოზიცია არჩევნების შედეგებს ბოიკოტს უცხადებს და პარლამენტში შესვლას არ აპირებს.
მათ გაასაჯაროვეს ოქმები, სადაც დისბალანსი იკვეთება, თუმცა არსებობს ოქმები, სადაც პირიქით, ხმები „ქართული ოცნების“ კანდიდატებს აქვთ ჩამოკლებული.
მაგალითად ცესკოს მიერ გამოქვეყნებულ ოქმებში ისნის მაჟორიტარობის კანდიდატს, კახი კახიშვილს რამდენიმე უბანზე ხმები ჩამოაკლეს.
მაგალითად, ერთ უბანზე ხმების დათვლის შედეგად კახი კახიშვილმა 196 ხმა მიიღო, თუმცა ოქმში მხოლოდ 1 ხმა დაუფიქსირეს, 196 ხმა კი ბიულეტინში მის წინ მყოფ კანდიდატს, ვინმე დავით ჩიგოგიძეს მიაწერეს.
კიდევ ერთ უბანზე დათვლის შედეგად კახი კახიშვილმა 163 ხმა მოიპოვა, თუმცა ოქმში 63 ხმა ჩაიწერა.
„ქართული ოცნების“ კანდიდატმა ოქმებში არსებული შეუსაბამობა გაასაჩვრა, მონაცემები გასწორდა და შესწორების ოქმს ყველა პარტიის წარმომადგენელმა მოაწერა ხელი.
კომენტარები