ბათუმის საკრებულოდან ოპოზიციის წევრები პოლიციამ ძალის გამოყენებით გაიყვანა. ვითარება ბიუროს სხდომაზე იმდენად დაიძაბა, რომ ხელჩართულ დაპირისპირებამდე მივიდა. მმართველი პარტიის და ოპოზიციის წარმომადგენლები ერთმანეთს სიტყვიერად დაუპირისპირდნენ, რის შემდეგაც საკრებულოს ახალი წევრები სამართალდამცველებმა ჯერ ბიუროს სხდომიდან ძალის გამოყენებით გამოიყვანეს.
ბათუმის საკრებულო ძველი შემადგენლობით 2022 წლის ბიუჯეტის მიღებას გეგმავს. “ნაციონალური მოძრაობის” აჭარის ორგანიზაციის წარმომადგენლების განცხადებით, უსამართლობაა, ძველი მოწვევის საკრებულომ მიიღოს ქალაქის მომდევნო წლის ბიუჯეტი, როდესაც ამომრჩეველმა ხმა ოპოზიციურ საკრებულოს მისცა.
“ქართული ოცნების” წევრები აცხადებენ, რომ ყველაფერი კანონის დაცვით ხდება, მათ აქვთ ბიუჯეტის მიღების უფლება ოპოზიციის წინააღმდეგობის მიუხედავად, ამას გააკეთებენ.
კომენტარები