თვეების განმავლობაში ამბობდნენ, პარლამენტში არ შევალთო. ახლა აწარმოებენ პიარკამპანიას, როგორ დაბრუნდნენ და აცხადებენ, რომ პარლამენტში თუ არ ვიქნებით, ეს პოლიტიკური დევნააო, ეს არის აბსურდი, – ამის შესახებ არჩილ თალაკვაძემ ჟურნალისტებს განუცხადა. პარლამენტის ვიცე-სპიკერი ამ შემთხვევაშიც ოპოზიციის არათანმიმდევრულ ქმედებებს უსვამს ხაზს.
„სიმართლე გახლავთ ის, რომ „ქართულმა ოცნებამ“ შექმნა ყველანაირი საკანონმდებლო პირობა იმისთვის, რომ ოპოზიციას პარლამენტში ემუშავა. მათი საკითხის განხილვა მოხდება რეგლამენტის შესაბამისად და მივიღებთ შესაბამის გადაწყვეტილებას, რომელსაც წინასწარ უმრავლესობის შიგნით განვიხილავთ“,- განაცხადა თალაკვაძემ.
პარლამენტის საპროცედურო საკითხთა და წესების კომიტეტი დღეა სამი ოპოზიციონერი დეპუტატის – შალვა ნათელაშვილის, ელენე ხოშტარიასა და ბადრი ჯაფარიძის სადეპუტატო უფლებამოსილების ვადამდე შეწყვეტის საკითხზე იმსჯელებს.
კომენტარები