“ომიკრონის” შემთხვევები ქვეყნის მასშტაბით იზრდება – ახალი შტამი თბილისის გარდა უკვე აჭარაშიც დაფიქსირდა. სპეციალისტები თვლიან, რომ ეპიდმდგომარეობა იანვრის ბოლოსთვის გართულდება, რასაც სადღესასწაულო პერიოდში მობილობის ზრდას უკავშირებენ.
ამჟამად საქართველოში “ომიკრონის” 70-მდე დადასტურებული შემთხვევაა ფიქსირდება, ლუგარის ლაბორატორიაში 100-ზე მეტ საეჭვო შემთხვევას იკვლევენ.
ეპიდემიოლოგები აცრებისა და “ბუსტერ” დოზების მნიშვნელობაზე საუბრობენ.
“სიტუაცია საყურადღებო რჩება, მნიშვნელოვანია ჩავერთოთ ვაქცინაციის პროცესში. თუ ჩვენ გავიკეთებთ “ბუსტერ” დოზებს, ამით შევამცირებთ როგორც დაავადების გავრცელების რისკებს, ასევე დაავადების მძიმე მიმდინარეობას და ჰოსპიტალიზაციას,” – აცხადებს ინფექციური პათოლოგიის და შიდსის ცენტრის ინფექციონისტი ალექსანდრე გოგინავამ.
ასევე სამედიცინო სექტორის წარმომადგენლები მობილობის შემცირების აუცილებლობაზე საუბრობენ და სადღესასწაულო დღეების აღნიშვნის მნიშვნელობაზე ამახვილებენ ყურადღებას.
“მდგომარეობა ძალიან მძიმეა, აუცილებელია დავიცვათ რეგულაციები, სადღესასწაულო დღეებში შევამციროთ მობილობა და ახალი წელი მცირე წრეებში აღვნიშნოთ, სხვა შემთხვევაში გარდაუვლად შეიძლება ითქვას, რომ ახალი წლის დადგომიდან დაახლოებით 2-3 კვირაში ქვეყანას ელოდება წინ მე-6 ტალღა და “ომიკრონის” პერიოდში ეს შეიძლება იყოს ბევრად უფრო რთული,” – ამბობს “ჯოენი-ს” სამედიცინო ცენტრის ეპიდემილოგი მაია კაშია.
კომენტარები