ოკუპირებულ აფხაზეთში აცხადებენ, რომ კორონავირუსით ინფიცირებული პაციენტები აღარ ჰყავთ. ინფორმაციას ამის შესახებ ვირუსთან ბრძოლის მიზნით შექმნილი ადგილობრივი შტაბი ავრცელებს.
მათი ინფორმაციით, დღეს გუდაუთის საავადმყოფოდან დარჩენილი სამივე პაციენტი გაეწერა და ამ დროისთვის კორონავირუსით ინფიცირებული პაციენტები სტაციონარში არ ჰყავთ. სპეციალისტების მტკიცებით, გასული 24 საათის განმავლობაში 57 ადამიანი გამოიკვლიეს და ყველა პასუხი უარყოფითი აღმოჩნდა.
საერთო ჯამში კორონავირუსი ოკუპირებულ აფხაზეთში 28 ადამიანს დაუდასტურდა, 1 მათგანი გარდაიცვალა.
კომენტარები