რუსულმა საოკუპაციო ჯარებმა პირველად დაბომბეს უკრაინის ქალაქები ლუცკი და დნეპრი. ინფორმაციას BBC ლუცკის მერზე იგორ პოლონჩუკზე დაყრდნობით ავრცელებს.
აფეთქებები მოხდა აეროდრომის მიმართულებით.
„ყველანი თავშესაფარში“, – დაწერა ფეისბუკზე ლუცკის მერმა. მან მოსახლეობას მოუწოდა, რომ არ გამოაქვეყნონ ფოტოები, მისამართები და კოორდინატები.
როგორც დნეპროპეტროვსკის ოლქის საგანგებო სიტუაციების სამსახური განმარტავს, დაახლოებით დილის 6:10 საათზე დნეპრის ნოვოკოდატსკის რაიონში სამი საჰაერო დარტყმა განხორციელდა ქალაქზე.
აგრესორმა მხარემ იერიში მიიტანა საბავშვო ბაღზე, მშვიდობიანი მოსახლეობის საცხოვრებელ კორპუსზე და ასევე ფეხსაცმლის ქარხანაზე.
კომენტარები