“ოჯახმა დააფიქსირა ძალიან მკაცრი პოზიცია” – რას ელის შაქარაშვილის ოჯახი სასამართლოსგან?

გიორგი შაქარაშვილის ბიძამ, მირიან ნიკოლაძემ საქართველოს პირველ არხთან საუბარში განაცხადა:

„ოჯახმა დააფიქსირა თავისი ძალიან მკაცრი პოზიცია სასამართლოზე, როდესაც დაიკითხა შაქარაშვილის დედა. ერთადერთი მოლოდინი აქვს ოჯახს, რომ სასამართლო გამამტყუნებელ განაჩენს მიიღებს. ეს მოლოდინი არის აბსოლუტურად გაანალიზებული და უტყუარ ფაქტებზე დამყარებული. დიდ ბოდიშს ვიხდი და იცით, რომ დაცვის მხარის კონტრპოზიციას არ ვაფიქსირებ, თუმცა ისინი უკვე დრამატულ სიტუაციაში არიან და თვითონვე დარწმუნდნენ სასამართლო განხილვების დროს, რომ არავინ არავის აბრალებს ტყუილად. მათ აქვთ აბსოლუტურად გამოუვალი სიტუაცია და ჩიხიდან თავს ვერ დააღწევენ. გარწმუნებთ, რომ ეს მტკიცებულებები არის ურყევი“

შეგახსენებთ, რომ გიორგი შაქარაშვილის განზრახ მკვლელობის საქმეზე მცხეთის რაიონულ სასამართლოში დაცვის მხარემ დასკვნითი სიტყვა დღეს დაასრულა. ხვალინდელ სხდომაზე მხარეები რეპლიკებს წარმოთქვამენ, ასევე არაა გამორიცხული, რომ ხვალინდელ სხდომაზე მოსამართლემ განაჩენიც გამოაცხადოს.

გიორგი შაქარაშვილის განზრახ ჯგუფურად მკვლელობაში ხუთი პირია ბრალდებული.