18 წლის ორსული ქალი დიდი ოდენობით ოქროს და ძვირფასი ნივთების მოპარვაშია ბრალდებული – დანაშაულში მას მეზობლები ამხელენ და სათვალთვალო კამერების ჩანაწერებსაც ასაჯაროებენ.
დაზარალებულების მტკიცებით, ქალის წინააღმდეგ მტკიცებულები პოლიციას აქვს, თუმცა არ აკავებს.
ადგილობრივების მონაყოლის თანახმად, დანაშაული აღირა თავად ბრალეულმაც, თუმცა განაცხადა რომ ნივთები უკვე გაყიდა და უკან ვერ დააბრუნებს. ოჯახი დახმარებას ითხოვს:
„ჩემი სახლი გაქურდეს. 18 წლის ქალი შევიდა საცხოვრებელ სახლში და დიდი ოდენობით ოქრო და თანხა მოიპარა. ეს არ იყო პირველი შემთხვევა, როცა სახლიდან ძვირფასი ნივთები დაიკარგა, ამიტომ სათვალთვალო კამერები დავაყენეთ. პოლიციამ თვითონაც ძალიან კარგად იცის, რა მოხდა რეალურად, თუმცა აქ კრიმინალი ისე ყვავის, არაფრის იმედი არ გაქვს, რომ რამეს გამოიძიებენ. ჩვენ გვითხრეს, რომ ახალგაზრდა ქალმა აღიარა, რომ ჩვენი სახლიდან თვეების მანძილზე, არაერთხელ მოუპარავს თანხა, 50 და 100 ლარის ფარგლებში. ახლა კი აცხადებს, რომ ოქროულობა რომელიც მოგვპარა , უკვე გაყიდა და უკან ვერ დაგვიბრუნებს. ვის მივმართო არ ვიცი, დაუცველები ვართ. კანონში წერია, რომ ფეხმძიმობის გამო პასუხს ადამიანებს არ აგებინებენ?“
კომენტარები