აი ვინც ახლა სახალხო დამცველს ებრძვით, კარგად გაითვალისწინეთ ეს შემთხვევა. გაიაზრეთ და მიხვდებით, რომ ერთ დღეს სიტყვის თქმა დაგჭირდებათ და ტელევიზიებისა და ომბუდსმენის კარს მიუკაკუნებთ. – ამის შესახებ სოციალურ ქსელში წერს ვახო სანაია. ვახო სანაია მეგის ქარდავას წერილზე ამახვილებს ყურადღებას, სადაც ის დახმარებისთვის სახალხო დამცველს მიმართავს. როგორც მეგის ქარდავა აღნიშნავს, სახალხო დამცველის აპარატი “სახელმწიფოს მესამე ვადით მიმტაცებელმა პუტინის ოლიგარქმა ივანიშვილმა ვერ დაიმორჩილა.”
“რამდენიმე დღის წინ გამოქვეყნდა ედისონ რისერჩის კვლევა. მედიასა და სახალხო დამცველს აქვთ ნდობის მაღალი რეიტინგი. ახლა წაიკითხეთ მომდევნო აბზაცი და მიხვდებით, რომ თითოეულ თქვენგანს, ვინც არ უნდა იყოთ, დაგჭირდებათ ეს ორი ინსტიტუცია.
მეგის ქარდავა მიმართავს სახალხო დამცველის აპარატს, რომელიც, მისივე სიტყვებით, “სახელმწიფოს მესამე ვადით მიმტაცებელმა პუტინის ოლიგარქმა ივანიშვილმა ვერ დაიმორჩილა”.
მეგის ქარდავა, რომლის გადმოცემას, როგორც ჩანს, წინასაარჩევნოდ ქართულმა ოცნებამ ზელენსკისთან მოლაპარაკების შედეგად მიაღწია, ახლა დახმარებას სახალხო დამცველს სთხოვს.მეგის ქარდავას ნინო ლომჯარიას იმედი აქვს.
აი ვინც ახლა სახალხო დამცველს ებრძვით, კარგად გაითვალისწინეთ ეს შემთხვევა. გაიაზრეთ და მიხვდებით, რომ ერთ დღეს სიტყვის თქმა დაგჭირდებათ და ტელევიზიებისა და ომბუდსმენის კარს მიუკაკუნებთ. ნუ ჭრით იმ ტოტს, რომელზეც სხედხართ. – წერს სანაია.
ცნობისთვის, საქართველოს სამხედრო პოლიციის ყოფილი უფროსი მეგის ქარდავა, რომელიც უკრაინაში დააკავეს და საქართველოს უნდა გადმოსცენ, დახმარებისთვის ამერიკის საელჩოს, ტელეკომპანია პირველს, მთავარ არხს და სახალხო დამცველს დახმარებისთვის განცხადებით მიმართავს.
ედისონ რისერჩის კვლევის თანახმად, ნდობის რეიტინგით სახალხო დამცველს 62 % აქვს. რისერჩის რეიტინგით, ის უსწრებს ადგილობრივ ხელისუფლებას, პროკურატურას, სასამართლოს, პრემიერ-მინისტრს, მინისტრთა კაბინეტს, პარლამენტს.
კომენტარები