მწერალი ირაკლი კაკაბაძე, სოციალურ ქსელში წერს:
“სიფრთხილე, სიფრთხილე, სიფრთხილე
კოვიდ19-ის ეპიდემია ჯერ კიდევ დამარცხებული არ არის. პირიქით, ის უფრო და უფრო მწვავდება. ახალი შემთხვევები დაფიქსირებულია სამხრეთ კორეაში და ჩინეთშიც, სადაც უკვე მეორე ტალღა დაიწყო კორონავირუსის ინფექციის. რუსეთში ინფიცირებულთა რაოდენობა კატასტროფულად იზრდება და უკვე მსოფლიოში მესამე ადგილს იკავებს ამერიკის და ესპანეთის შემდეგ.
დიდმა ბრიტანეთმა დაღუპულების რაოდენობით იტალიას გადაასწრო და მსოფლიოში მეორე ადგილზე გადავიდა. ამერიკის შეერთებულ შტატებში უკვე 80 ათასზე მეტი გარდაცვლილია – ავადმყოფობა უკან არ იხევს. ამდენი ადამიანი ამერიკას ვიეტნამის ომში არ დაუკარგავს 10 წელიწადზე მეტის განმავლობაში და არც კორეის ომში. მეორე ტალღის ეშინიათ საფრანგეთშიც და ევროპის სხვა ქვეყნებშიც და ახალ ზელანდიაშიც კი.
ტონი ფაიჩი კარანტინშია – მსოფლიოს მთავარი ინფექციონისტი. პრეზდენტ ტრამპის ერთ მცველს, ერთ ასისტენტს და თანამშრომელს დაუდგინდათ კორონავირუსი. ჩვენთან ეს უტვინო პოლიტიკოსები რომ დახტიან და “ეკონომიკა გავხსნათო” რომ გაიძახიან და “საბაზრო ეკონომიკას” ადიდებენ – ეს ნეოლიბერალების იდიოტი ჯგრო – მათ ავიწყდებათ რომ სახელმწიფოს მთავარი ფუნქცია ადამიანის სიცოცხლის დაცვაა. და მათ აგრეთვე ავიწყდებათ რომ ბორდელების და კაზინოების გახსნას ყველა უცხოელი ტურისტისთვის, რომელიც ბოლო 20 წლის ხელისუფლებებისთვის მთავარი შემოსავლის წყარო იყო – დიდ საშიშროებას მოიტანს ისეთი მეორე ტალღისას, რომლის პრევენცია შეუძლებელიც იქნება.
ამიტომ, ხელისუფლებას შევახსენებ – არა როგორც მტრს პოზიციიდან – არამედ როგორც მისი წარმატების, და მაშასადამე ყველა ჩვენგანის გადარჩენის სურვილის პოზიციებიდან – რომ არსებობს ეკონომიკის სხვა მოდელებიც – არა ნეოლიბერალური, და არა პროსტიტუციის და “ყველაფრის გაყიდვა, გაქირავების” მოდელებიც. ეს არის ადგილობრივი, მდგრადი ეკონომიკის წახალისება და ინვესტიციების იქით მიმართვა.
ეკონომიკის გამოცოცხლება შეიძლება მასიუირ თავშეყრებისა და ინფექციის კერების გამრავლების გარეშეც. ამის ბევრი გზა არსებობს და გამოცდილებაც და გამოცდილი ხალხიც არის, ვინც იცნობს ამ ინოვაციურ მიდგომებს. ამერიკაში უკვე 2 ბავშვიც დაიღუპა კორონავირუსის ახალი მუტაციის შედეგებით. ტონი ფაუჩი ამბობს შემოდგომაზე მეორე ტალღა აუცილებლად იქნებაო! და ახლა უკვე თუ უაზროდ გავხსნით ეკონომიკას – ზაფხულშიც იქნებაო – სიცხე არც ისე შველის ამ ვირუსსო. სამხრეთ კორეაში თუ მიბრუნდა ვირუსი ამ კაი ამინდებში – მაშ ყველგან მიბრუნდება. ნუ დავხოცავთ საკუთარ ხალხს – ნუ გავიმეორებთ სხვის სიშტერეებსაც – დავესესხოთ ჭკვიან ხალხს – და ჩვენ თვითონაც ვიყოთ ჭკვიანები – მაშინ, როდესაც ასეთი კარგი ექიმები გვყავს!”
კომენტარები