ნობელის პრემიის ლაურეატებმა რუსეთის მთავრობას ღია წერილით მიმართეს, რომელშიც უკრაინიდან ჯარის გაყვანისკენ მოუწოდეს. წერილი Nobel Campaigns-ის ვებგვერდზე გამოქვეყნდა.
„1939 წელს ნაცისტური გერმანიის პოლონეთსა და 1941 წელს საბჭოთა კავშირზე თავდასხმის მსგავსად, რუსეთის ფედერაციის მთავრობამ პრეზიდენტ პუტინის ხელმძღვანელობით დაიწყო გაუმართლებელი სამხედრო აგრესია – ომი – მეზობელი სახელმწიფოს, უკრაინის წინააღმდეგ. ფრთხილად ვარჩევთ სიტყვებს, რადგან არ გვჯერა, რომ რუსი ხალხი ამ აგრესიაში როლს ასრულებს“, – აღნიშნულია წერილში.
ავტორები გმობენ ომს და იმას, რომ პუტინი უკრაინის არსებობის ლეგიტიმურობას უარყოფს.
„ამ შეჭრამ გამო რუსეთის რეპუტაცია ათწლეულების განმავლობაში შელახული იქნება. ეს დაბრკოლება იქნება ქვეყნის ეკონომიკური განვითარებისთვის და სირთულეების წყარო მისი მოსახლეობისთვის. სანქციები რუსეთის ნიჭიერი და შრომისმოყვარე მოქალაქეების მსოფლიოს მასშტაბით გადაადგილებას შეზღუდავს. რა საჭიროა რუსეთსა და მსოფლიოს შორის კედლის აშენება?“ – წერენ ავტორები.
მიმართვას ხელი ნობელის პრემიის 160-ზე მეტმა ლაურეატმა მოაწერა ხელი.
კომენტარები