ნიუ-ჯერსის შტატის სენატის არჩევნებზე სატვირთო მანქანის მძღოლმა, ედვარდ დორმა შტატის სენატის პრეზიდენტი, „დემოკრატი“ სტივ სუინი დაამარცხა. ინფორმაციას ამის შესახებ სააგენტო The Associated Press-ი ავრცელებს.
საარჩევნო კომისიის დოკუმენტაციის მიხედვით, ედვარდ დორმა, რომელიც ავეჯის კომპანიაში სატვირთო მანქანის მძღოლია, საარჩევნო კამპანიაზე 153 დოლარი დახარჯა.
„დემოკრატი“ სტივ სუინი ნიუ-ჯერსის შტატის სენატის თავმჯდომარის თანამდებობას 2010 წლიდან იკავებს. ედვარდ დორი არჩევნებზე „რესპუბლიკურ პარტიას“ წარმოადგენდა.
„მთავარი საკითხი უფლებების თემა იყო. ხალხი იმაზე საუბრობს, რომ ნიუ-ჯერსის შტატში ყველაზე მაღალი გადასახადებია და ბიზნესისთვის ყველაზე ცუდი შტატი ვართ, მაღალი დავალიანებით და ა.შ., მაგრამ მთავარია უფლებების თემა“, – აღნიშნა ედვარდ დორმა.
კომენტარები