ვირჯინიის შტატის ქალაქ ნორფოლკიდან ნიუ-იორკში ე.წ. მცურავი ჰოსპიტალი ჩავიდა. ინფორმაციას ამის შესახებ ტელეკომპანია Fox News-ი ავრცელებს.
გემი USNS Comfort-ი 1000 პაციენტზეა გათვლილი და მასში ქალაქის სხვა კლინიკებიდან სხვადასხვა დაავადების მქონე პაციენტებს გადაიყვანენ, გათავისუფლებულ ადგილებზე კი კორონავირუსით ინფიცირებულებს მოათავსებენ.
გემზე 12 საოპერაციო ოთახი, ინტენსიური თერაპიის პალატები, რადიოლოგიის კაბინეტები და კომპიუტერული ტომოგრაფიის ოთახია მოწყობილი. პაციენტებს 1100 მედიკოსი მოემსახურება.
კომენტარები