ქართველი მომღერლის ნინო ქათამაძის ცხოვრება ბოლო რამდენიმე წელია უკრაინას უკავშირდება. რუსეთის დატოვების შემდეგ, ქათამაძემ ფართო აუდიტორია უკრაინაში შეიძინა და ბოლო წლებში ხშირად მართავდა კონცერტებს, მონაწილეობდა სატელევიზიო შოუებში.
სრულმასშტაბიანი ომის დროსაც კი, შემსრულებელი განაგრძობდა კიევში სტუმრობას. მომღერალმა უკრაინულ მედიასთან ინტერვიუში აღნიშნა, რომ მას საერთოდ არ ეშინოდა საომარი მოქმედებების დროს უკრაინაში ჩასვლის.
“არ ყოფილა ასეთი რამ, რომ მე ან ჩემს შესანიშნავ მუსიკოსებს შეგვშინებოდა უკრაინაში წასვლის. როდესაც ჩემს ჯგუფს ვუთხარი, რომ კონცერტით მივდიოდით კიევში, მათ თქვეს, რომ მზად იყვნენ ემღერათ იქ, სადაც ეს შეუძლებელიც კი იყო. მაშინ მეტროში ჩავატარეთ კონცერტი და თამამად შემიძლია ვთქვა, რომ ეს იყო ყველაზე დაუვიწყარი კონცერტი ჩემს ცხოვრებაში. დღემდე მახსოვს კონცერტის დროს მაყურებლების თვალები, შეუძლებელია დავივიწყო მათი ცრემლები და მთელი ეს ამბავი რაღაც წარმოუდგენელია“, – განაცხადა ქათამაძემ.
უფრო მეტიც, მომღერალმა ოჯახთან ერთად უკრაინაში საცხოვრებლად გადასვლაზეც კი იფიქრა. ქათამაძემ აღიარა, რომ გადასვლისთვის უკვე სერიოზული გეგმები აქვს.
“ჩემი ოჯახი ფიქრობს, რომ კარგი იქნებოდა უკრაინაში ცხოვრება. ჩვენ ახლა ვგეგმავთ გადასვლას, ომის დროს”, – თქვა ნინომ.
ambebi.ge
კომენტარები