ნინის საქმეშიც იგივე ნ.ტ აღმოჩნდა – რაც უნდა დადემუქრონ ამ პოსტს არ წავშლი – რას წერს ანი დიასამიძე

ქობულეთში 14 წლის გოგო, რომელიც ბაბუამ 9 თებერვალს, სახლთან ახლოს, გარდაცვლილი იპოვა, 13 თებერვალს დაკრძალეს.

ბიჭს, რომელმაც 14 წლის ნინიზე ძალა იხმარა, აღმოჩნდა, რომ მსგავსი ქმედება ადრეც ჰქონდა ჩადენილი.

ანი დიასამიძე სოციალურ ქსელში წერს:

„რაც უნდა ვინმემ მემუქროს ამ პოსტს არ წავშლი. მორჩა

სინდისი მაწუხებს… იმ დღიდან, რაც სოფ. ქაქუთში მომხდარი შემზარავი ამბავი გავიგე სხვა რამეზე ფიქრი უბრალოდ არ შემიძლია. თავის დროზე არ გავჩუმებულიყავი შეიძლება დღეს 14 წლის ნინი ცოცხალი ყოფილიყო. ჩემსავეთ სხვაც გაჩუმდა ალბათ ხედავთ დუმილმა სადამდე მიგვიყვანა?

ნიკა ტაკიძე, რომელიც სექსუალურ ძალადობაშია ბრალდებული, რამდენიმე წლის წინ თავი სექსუალური შევიწროვებით დამამახსოვრა . ვიმეორებ შ ე მ ა ვ ი წ რ ო ვ ა.! ეს სხვა რამეა.

შემრცხვა, ვერავის ვუთხარი… მისი არც სახელი ვიცოდი, არც გვარი, მაგრამ მახსოვდა სახე და აღნაგობა. ვინააობა რამდენიმე დღეში გავიგე, როცა ქუჩაში დავინახე ჩემს საქმროსთან და მეგობრებთან ერთად. ჩემმა საქმრომ გამაცნო ნ. ტაკიძე, როგორც დეიდაშვილი…

პოლიციისთვის არ მიმიმართავს და ანგარიშსწორება ჩემმა მეგობრებმა მოახდინეს, მას შემდეგ რაც გავბედე მომხდარის მოყოლა. ნ. ტაკიძემ აღიარა რაც ჩაიდინა და მოიბოდიშა .. „არ ვიცოდი ვინ იყავი” – ო… რა მნიშვნელობა ქონდა ვინ ვიყავი..?

ნინის საქმეშიც მთავრი ფიგურანტი იგივე ნ.ტ რომ აღმოჩნდა სინდისმა როგორ არ შემაწუხოს? …

ჩემი შეცდომა და იყოს მაგალითი თქვენთვის, რომ არასდროს გაჩუმდეთ,რომ შეწყდეს ეს სისასტიკე… რომ ჩემსავეთ არ ინანოთ დუმილი. მაშინ შემრცხვა და შემეშინდა, რადგან „ხალხი რას იტყვის“ ფიქრით ვცხოვრობდი..

ხალხს წიხლზე კიდიხართ, რო იცოდეთ და ხვალ დაავიწყდებით, ამაზე იფიქრეთ, იმოქმედეთ და არგაჩუმდეთ რაც არ უნდა მოხდეს.!

ბოდიშს ვიხდი ჩემი წილი დანაშაულისთვის, თუმცა ამიერიდან, არასდროს აღარ გავჩუმდები.. გპირდებით..“-