სომხეთის ოპოზიციური პარტია „დაშნაკცუტიუნის“ წარმომადგენლის, იშხან საღათელიანის განცხადებით, ნიკოლ ფაშინიანის ბრძანებით, თავდაცვის სამინისტროზე შტურმი მზადდება.
„ადამიანი, რომელიც პრემიერ-მინისტრის სავარძელს ებღაუჭება, ამჟამად ცდილობს, ქვეყანა სამოქალაქო ომამდე და სისხლისღვრამდე მიიყვანოს. მოდით, ყველამ მოვითხოვოთ პოლიციისა და უშიშროებისგან, უარი თქვან ამ შეშლილის ბრძანებების შესრულებაზე. ინფორმაცია გვაქვს, რომ პრემიერ-მინისტრ ნიკოლ ფაშინიანის ბრძანებით, პროკურატურა სანქციას ამზადებს შტურმის მეშვეობით თავდაცვის სამინისტროს შენობაში შესაჭრელად და შემდგომში გენერლების დასაკავებლად. დღეს აქ შევიკრიბეთ, რათა მხარი დავუჭიროთ ჩვენს არმიას და არ დავუშვათ ეს“, – აღნიშნა იშხან საღათელიანმა.
სომხეთის შეიარაღებული ძალების გენერალურმა შტაბმა ქვეყნის პრემიერ-მინისტრის, ნიკოლ ფაშინიანის გადადგომა მოითხოვა. ნიკოლ ფაშინიანმა შეიარაღებული ძალების გენერალური შტაბის მოთხოვნას, მისი გადადგომის შესახებ, სამხედრო გადატრიალების მცდელობა უწოდა.
კომენტარები