ნაციონალური მოძრაობის წევრი, ზვიად კუპრავა, სოციალურ ქსელში, წერს:
“ჩვენი ბილტმორის შეხვედრის შემდეგ, სადაც პარტიის თავმჯდომარემ უთხრა გიორგი ონიანს თავად ყოფილიყო მედიატორი და მოეტანა იდეები რომელიც გააერთიანებდა პარტიას, მე და გოგამ სხვა და სხვა იდეების შეჯერებით ჩამოვაყალიბეთ 3 პუნქტიანი გეგმა, რომელიც ჩვენი აზრით პარტიას გააერთიანებდა, გააძლიერებდა და საბოლოოდ იქნებოდა
,,გამარჯვების ფორმულა”.
გეგმა: 3 პუნქტი
1. გაერთიანებულიყო ორი პოლიტსაბჭო.
ანუ, მომხდარიყო ძველი და ახალი პოლიტსაბჭოს გაერთიანება.
2. გაეთიანებული დიდი პოლიტსაბჭოს თავჯდომარედ აგვერჩია ნიკა გვარამია. ადამიანი, რომელიც ამ დიდი მანდატით იქნებოდა აღჭურვილი, ასევე იქნებოდა მედიატორი დანარჩენ ოპოზიციას შორის.
3. ნიკა მელიას და მის გუნდს, რომელმაც შიდა არჩევნებში პირწმინდად გაიმარჯვა თბილისში, აეღო პასუხისმგებლობა და ჩაებარებინა ,,თბილისი”.
ეს 3 პუნქტიანი გეგმა მეორე დღეს გადაეცა პარტიაში თანამდებობით მეორე პირს. ასევე გაეცნო სხვა და სხვა მიმართულების მდივნებს.
აუცილებლად უნდა აღინიშნოს, რომ ეს გეგმა შეთანხმებული არ ყოფილა არც ნიკა მელიასთან და არც ნიკა გვარამიასთან.
ეს მხოლოდ ჩვენი იდეა და გეგმა იყო.
ორი დღეა პარტიის თავმჯდომარისგან ვისმენ, რომ ბილტმორის შეხვედრის შემდეგ მასთან არავითარი კომუნიკაცია არ ყოფილა და რომ მან არაფერი არ იცის.
ახლა ხომ იცით ბატონო ლევან?
მიდით, დაიწყეთ მუშაობა.
ან
შემოგვთავაზეთ უკეთესი.”
კომენტარები