“ნეტავ იცოდეთ, როგორი ბიჭია სვანური გულის და მეგრული გონების საბა ჯიქია…” – ანაკო ტურაშვილი

სასამრთლოს დარბაზში რომ შევედი ადვოკატზე მანიშნებს, წერილი მივეცი და გამოართვიო.

მოსამართლე რომ სათათბირდ გავიდა, ადვოკატმა წერილი მომაწოდა.

სანამ სასამართლოში მოიყვანენ 9 საათი კარანტინში აყურყუტებენ ხოლმე პატიმრებს, იქ დაუწყია ამ წერილის წერა და აი დარბაზში შემოსვლამდე დაუსრულებია, უკვე რომ რამდენიმე წუთში გვნახავდა.

მოსამართლე ახალგაზრდა ბიჭია, ალბათ 35 წლის თუ იქნება და მე ტრადიციულად ჩემი ოპტიმისტური ბუნებიდან გამომდინარე მჯერა, რომ იქნებ სისატიკის უმაღლესი გამოვლინებით მისჯილი არაადეკვატური სასჯელი – 4.5 წელი, ამ მოსამართლემ გადააკვალიფიციროს და არარსებულ დანაშაულზე ჯანდაბას და 2 წლით შეცვალოს.

იცით რა უქნა ჩემს ოპტიმისტურ ბუნებას ამ სისტემამ? ოპტიმისტურ ბუნებას? ოპტიმისტურ ბუნებას ვინ ჩივის, იცით რა უქნა ადამიანებს ამ სისტემამ? იცით რას გვიკეთებს ეს სისტემა? იცით როგორ მძულს სამართალდამცავი , სასამართლო და პენიტენციალური სისტემა მთლიანად?

იცით რა კატასტროფაა ამ სისტემასთან პირისპირ შეჯხება? იცით რა არის ამხელა უსამართლობის ტკივილით ყოველ დღე გაღვიძება და დაძინება? იცით რას გრძნობენ დახურულ გლდანის დასაწვავ ციხეში უდანაშაულო პატიმრები, რომლებიც 1.6 წელი უკვე იქ არიან? იცით რას გრძნობენ უდანაშაულო პატიმრების ახლობლები უკვე 500 დღეა??

შემოვიდა ბატონი მოსამართლე და კიდევ ერთხელ ჩამიფურთხა ჩემს ოპტიმისტურ ბუნებაში. მადლობა ბატონო მოსამართლევ! საამაყოა! ასეც უნდა იყოს! აამ სისტემაში არავინ უნდა ჩამორჩეს ერთმანეთს!

პრინციპში სწორია, ჩვენს 19 წლის საბა ჯიქიასთვის 2 წლის მოხდა ძალიან მცირე სასჯელი იქნებოდა იმ საქმეში, სადაც დაზარალებული არავინაა, აუცილებლად 4.5 წელი უნდა იჯდეს 24 კვადრატულ ოთახსი! სახელმწიფოს ფულის ჭამაზე და მშიერი ხალხის ძარცვაზე ხომ უვადო თავისუფლება და პორშე კაიანია!

კიდევ ერთხელ გილოცავთ “ქართული ოცნების” ამომრჩევლებო, ჩემი ოპტიმისტური და გულჩვილი ბუნებიდან გამომდინარე იგივეს ვერ გისურვებთ, რასაც განვიცდი, მაგრამ ალბათ ვინმე სხვა გისურვებთ და დამიჯერეთ, ძალიან ძალიან გეტკინებათ.

და აი ვებღაუჭები ამ წერილს, რადგან სხვა ხელჩასაჭიდი არაფერი მაქვს, რადგან სამართალი მკვდარია ამ ქვეყანაში და ვერსად ვპოულობ.

და ნეტავ იცოდეთ, როგორი ბიჭია დედით სვანი და მამით მეგრელი, სვანური გულის და მეგრული გონების საბა ჯიქია…

და როგორ უხდებოდა გაზრდილი თმა და Hello Kitty-ს მაისური.

მიყვარხარ საბა, მალე ჩაგეხუტებით