„ნავთობიმპორტიორებს პირდაპირ უთხრეს, რომ ასეთ შემთხვევაში, ყველა კომპანიაში ფინანსური შევა“

ანი დვალიშვილი

ლარის გამყარებასთან ერთად, პროდუქტი რომ არ გაიაფდა, ამას უკვე მივეჩვიეთ და ახლა გეტყვით, რაზე გადაგვატარებენ – მსოფლიო ბაზარზე ნავთობი იმდენად გაიაფდა, რომ გაგიკვირდებათ და, სირცხვილმა ჩვენი იმპორტიორტებიც შეაწუხა და მათ პრემიერის წინაშე დადეს პირობა, რომ სექტემბერში საწვავზე ფასს სერიოზულად დააკლებენ და ივლისთან შედარებით, ფასის სხვაობა, ყველაზე ცოტა, 50 თეთრი იქნება. ჰოდა, საწვავის გაიფების შემდეგ, წესით, პროდუქტი არავის უნდა გაახსენდეს და თუ გაახსენდება, აუცილებლად ეტყვიან, საწვავი ხომ გაიაფდა, პროდუქტსაც მალე გავაიაფებთო და ეს მალე როდის იქნება, არავინ იცის. ჰო, ნავთობიმპორტიორები პრემიერს მეორედ ვეღარ მოატყუებენ, რადგან გასაგებად უთხრეს, რომ ასეთ შემთხვევაში, ყველა კომპანიაში ფინანსური შევა და მათ სოლიდური ჯარიმების გადახდის გარდა, არაერთი სადგურის გაჩერებაც მოუწევთ.

თუ გახსოვთ, ოპოზიციამ თუ უკრაინის ხელისუფლების მაღალჩინოსნებმა, არაერთხელ დაანამუსეს ხელისუფლება, რუსებს ეხმარებით და საქონელს უგზავნითო. რეალურად კი, იგივე ევროპელები ყველაფერს აკეთებენ იმისთვის, რომ რუსეთიდან საჭირო პროდუქცია სწორედ საქართველოს გავლით მიიღონ. ანუ, რუსეთიდან საქართველოში შემოდის პროდუქცია, შემდეგ აქ ხდება განბაჟება, დაყოვნება 2-3 დღით და შემდეგ უკვე ქართული პროდუქციის სახელით შედის ევროპის სხვადასხვა ქვეყანაში. არ გეგონოთ საუბარი რიგით ქვეყნებზე გვაქვს, პროდუქციას გერმანია, საფრანგეთი, ჰოლანდია და მათი დარი დიდი სახელმწიფოები იღებენ. ეს იმას ნიშნავს, რომ ოფიციალურად, დასავლეთი გმობს რუსეთის შეჭრას უკრაინაში, სანქციებსაც უწესებს, არაოფიციალურად კი ყიდულობს ყველაფერს, რისი ყიდვაც შეუძლია და თუ დააკვირდებით, ერთხელაც არ უხსენებიათ ევროპელებს, რომ საქართველოს გავლით რაიმე ტვირთს იღებენ, არ აწყობთ და იმიტომ.