“ნაციონალურ მოძრაობაში” შიდა არჩევნები 2023 წლის 28-29 იანვარს ჩატარდება. ამის შესახებ გადაწყვეტილება პარტიის პოლიტსაბჭომ მიიღო. ცნობილია, რომ თავმჯდომარეს ბკოლჩეინ-სისტემით აირჩევენ. ეს გადაწყვეტილება 69 ხმა 1-ის წინააღმდეგ მიიღეს.
პოლიტსაბჭოს თავმჯდომარის, კობა ნაყოფიას თქმით, მათი “მთავარი საზრუნავი, ლიდერის მიხეილ სააკაშვილის ჯანმრთელობის მდგომარეობა და მისი თავისუფლებაა” და სხდომაზე სამოქმედო გეგმაზეც იმსჯელეს.
ნიკა მელია:
“მოხარული ვარ, რომ პოლიტიკური საბჭოს წევრებმა, რომლებიც არიან ამ წუთას და დღემდე იყვნენ სხვა პოზიციაზე, შეიცვალეს დამოკიდებულება რიგ საკითხებთან დაკავშირებით. მათ ეს ეტყობათ რიტორიკაში. მივესალმები კიდევაც, კარგი იქნებოდა, რომ ეს აქამდეც მოგვეხერხებინა, მაგრამ სჯობს გვიან, ვიდრე არასდროს.
ყველამ უნდა გავაცნობიეროთ, რომ სასამართლოს საბოლოო ვერდიქტის გამოტანის თარიღი არის ძალიან მნიშვნელოვანი. მანამდე გაიმართება არაერთი სასამართლო პროცესი და, რა თქმა უნდა, გულშემატკივრები, მხარდამჭერები, შევიკრიბებით სასამართლოს ეზოში მაგრამ უმნიშვნელოვანესი თარიღი არის ბოლო თარიღი სასამართლო პროცესისა.”
ლევან ხაბეიშვილი:
მე საქართველოს თითქმის ყველა რეგიონში ვიყავი, ვხვდები ჩვენს აქტივისტებს და მთავარი თემა გახლავთ რუსი ოლიგარქის წინააღმდეგ ბრძოლის დაწყება და მობილიზება რომ პარტია იყოს ძლიერი. ჩემი საქმე არის რუსი ოლიგარქის წინააღმდეგ ბრძოლა და არა პარტიაში შიგნით განხვავებები ვეძებო და ვთქვა, რომ ამან ასე ქნა, იმან ასე თქვა… ცხადია, დავეთანხმეთ, პარტიას ახლა სჭირდება ერთობა…
“ნაციონალური მოძრაობის” წევრი ნუგზარ წიკლაური:
მთელი პარტიული, ფინანსური, ეკონომიკური რესურსი, რომელიც განიკარგებოდა პარტიის გენერალური მდივნის, ბატონი პეტრე ცისკარიშვილის მიერ, ამიერიდან იქნება შეჩერებული. ბატონ პეტრეს შეეზღუდა შესაძლებლობა, რომ განკარგოს ეს ფინანსური რესურსები, სანამ იქნება საარჩევნო კამპანია. როგორც გენერალურ მდივანს… იმიტომ რომ, ჩვენ ვართ წარმომადგენლები სხვადასხვა, თუ შეიძლება ასე ითქვას, სხვადასხვა მხარის, სხვადასხვა პოზიციები გვაქვს.
კომენტარები