“ტაბულას” დამფუძნებელი თამარ ჩერგოლიშვილი სოციალურ ქსელში მიმართვას ავრცელებს, სადაც სამხედრო პოლიციის ყოფილი მაღალჩინოსნის, მეგის ქარდავას შესახებ წერს.
როგორც ჩეეგოლეიშვილი წერს, მეგის ქარდავაზე ძალიან მძიმე ისტორიები აქვს მოსმენილი. მისივე თქმით, მას აქვს საფუძველი, რომ ეს ისტორიები დაიჯეროს.
“რაც არ უნდა დავწერო მეგისზე, მიშაზე იმდენი მაქვს ნაწერი, ნაცების რისხვას მაინც ვერ დავიმსახურებ – გაქვითულია. რაც შეეხება ქარდავას, მასზე ძალიან მძიმე ისტორიები მაქვს მოსმენილი ყოფითი ვითარებებიდან, მაქვს საფუძველი ისინი დავიჯერო და ჩემთვის ეს ყოფითი ამბები დიაგნოზია (სულ რომ არ შევიდე სამართლებრივი საკითხების განხილვაში).
უბრალოდ ეს აგრესიული თავგასულობა სისტემამ შვა, სისტემამ, რამაც შესაძლებელი გახადა ერთი ძალის დომინაცია.
ამიტომ იყო პროპორციული არჩევნები მნიშვნელოვანი, რომ არა მხოლოდ თავები, არამედ მომავალი მეგისებიც დავიცვათ გამეგისებისგან უბრალოდ თუ მართლა გვსურს მეგისებისგან თავი და ქვეყანა დავიცვათ და უბრალოდ ჯოხის გადატეხვა არ გამოვიდეს, იმ გამოხტომებსაც ასეთივე სიმკაცრით უნდა ვაფასებდეთ, სადაც ნათლად ჩანს მიდრეკილებები ისეთი სისტემების მიმართ რაც მეგისებს შობს.
ამიტომ არ უნდა დავუშვათ ერთი ძალის დომინირება.
ამიტომაა აუცილებელი შემბოჭავი მექანიზმები. ამიტომაა საჭირო კოალიციაში ისეთი პარტიები, ვისაც წინააღმდეგობა შეუძლია.
ამიტომაა საჭირო ისეთი ხალხი პოლიტიკაში, ვისაც წინააღმდეგობის გაწევის უნარი აქვს და პრინციპები გააჩნია,” – წერს თამარ ჩერგოლეიშვილი.
კომენტარები