ჩვეულება რჯულზე უმტკიცესია, “მთავარი არხი” აღნიშნული ფრაზის ჭეშმარიტებას დღენიადაგ გვახსენებს, ისინი ვერ გათავისუფლდნენ წარსულისგან და არ შეეშვნენ სიყალბის გავრცელების მანკიერი პრაქტიკას.”- აღნიშნავს “დემოკრატიული ცვლილებების ცენტრი”-ს ხელმძღვანელი დავით ჩიხელიძე.
გუშინ მორიგი “შედევრი” შემოგვთავაზეს, ხმამაღალი სათაურით, ზუგდიდში არჩევნების გაყალბებისთვის ემზადებიან, მეტი დამაჯერებლობისთვის სატელეფონო საუბარიც მოგვასმენინეს, სატელეფონო საუბარი დიდი ალბათობით წინასწარი გეგმის ნაწილია, შეუძლებელია გაარჩიო ვის ესაუბრებიან ან როდის არის ჩანაწერი გაკეთებული. შემდეგ კი ნაცების აქტივის საუბარი გვაჩვენეს, რომლებიც მტკიცებით ფორმაში ამბობენ, რომ უამრავი მტკიცებულება აქვთ, მაგრამ სიუჟეტში ერთ მტკიცებულებასაც ვერ ვხედავთ. მთლიანი სიუჟეტი დაფუძნებულია ვარაუდს, ვიხილეთ ტყუილების მთელი კასკადი, რომელიც ჯერ არ ჩატარებული არჩევნების დისკრედიტაციას ემსახურება.
მთავარი არხი და ნაცები, სიუჟეტშივე ამხელენ საკუთარ თავს, როდესაც აპელირებას კომისიის 12 წევრზე აკეთებენ, ისინი წარსულში ჩარჩნენ და ჯერ კიდევ 2020 წლის არჩევნებისთვის დაწერილი ტექსტით საუბრობებ, სწორედ 2020 წელს იყო კომისიაში 12 წვერი. დღეს კომისიაში 17 წევრი არის, მათ შორის 1-ს მმართველი გუნდი 8-ს კი ოპოზიციური პარტიები ნიშნავს. მარტივი არითმეტიკაა 17-ს რომ 9 გამოვაკლოთ ვიღებთ 8-ს. შესაბამისად ჯერ აგვიხსნან საიდან მოიტანეს 12 და დანარჩენზე შემდეგ ვისაუბროთ. მთავარი არხი დიდი ხანია ფსკერს გაცდა, ისინი თავისუფალ ვარდნას განაგრძობენ.
მთავარი არხმა დაკარგა რეალობის შეგრძნება და საკუთარი ტყუილზე აგებული სიუჟეტებით გვაჩვენა ნაცების რეალური გეგმა, მიუხედავად გამჭირვალედ ჩატარებული არჩევნებისა, ისინი მის აღიარებას არ აპირებენ და ამისთვის წინასწარ ქმნიან ფონს. სიუჟეტში იყო ერთი საინტერესო ფრაზა, რომელსაც ნაცების წარმომადგენელი ამბობს, “ოპოზიციამ გამოაცხადოს საყოველთაო დაუმორჩილებლობა და ესენი აქედან ძალით გავყაროთ” აღნიშნული პირდაპირი მოწოდებაა ძალადობისკენ და საზოგადოებაში შუღლის გაღვივებას ემსახურება, რაც სისხლის სამართლის დანაშაულია.
ოლქის წევრებთან დაკავშირებით შემიძლია ცალსახად ვთქვა, რომ პროცესი უპრეცედენტო გამჭვირვალობით გამოირჩეოდა, უზრუნველყოფილი იყო თითოეულ კანდიდატთან გასაუბრება, (მიუხედავად იმისა რომ კანონით ეს გათვალისწინებული არ არის) შემდეგ კი ამ ადამიანების არჩევა კომისიის წევრთა ფართო კონსესუსით მოხდა. კენჭისყრაში მონაწილეობა მხოლოდ ორმა პარტიამ არ მიიღო, ალბათ არ გაგიკვირდებათ, თუ გეტყვით რომ ეს ორი პარტია ნაცები და ევროპული საქართველო იყო”- აცხადებს დავით ჩიხელიძე.
კომენტარები