“ნაცები” უარესს შვებოდნენ“ – ეს დღევანდელი ამბების ვერანაირი გამართლება ვერ არის“

პარლამენტის ყოფილი დეპუტატი, ირაკლი მელაშვილი სოციალურ ქსელში წერს:

„ლამის დავბერდი კაცი და იმას ვერ მოვესწარი, რომ მოქმედმა ხელისუფლებამ წინამორბედების შეცდომებზე ისწავლოს. “ნაცები” უარესს შვებოდნენ, ეს დღევანდელი ამბების ვერანაირი გამართლება ვერ არის. ანუ, ის რაც თითქოს აღარასოდეს აღარ უნდა გვენახა, დღეს იმის აჩრდილი ისევ წარმოგვიდგა მთელი სიგრძე-სიგანით და ჩემთვის რა მნიშვნელობა აქვს რა სახელი ქვია იმ პარტიას, ვინც ამ ყველაფერს ჩადის. დარწმუნებული ვარ ასევეა ჩვენი მოქალაქეების დიდი ნაწილისთვის. იმიტომ რომ: 1. რაც დღეს ხდება ბევრ საარჩევნო უბანზე უბრალოდ არის სამარცხვინო. 2. პოლიციელის წინ ადამიანს დედას რომ აგინებენ, ამას პოლიციელი მშვიდად რომ უყურებს და რეაგირება არ აქვს, ესეც სამარცხვინოა;3. ყველა არჩევნებზე პოლიციასთან შეკრული არჩევნებზე “მოჩალილიჩე უბნის ძველი ბიჭები” ხომ საერთოდ სამარცხვინო და სამარცხვინოა.4. ჟურნალისტის ცემა, ესეც სამარცხვინოა.5. ტელეეთერებიდან უტიფრად რომ გვატყუებთ, თვალებს გვიბრმავებთ, იმას რომ ლამის იმპერატიულად ითხოვთ, რასაც ვხედავ არ დავიჯეროთ და თქვენს ბრიფინგებზე ნაცოდვილარი ტყუილების ვირწმუნოთ, ესეც სამარცხვინოა.6. ჩვენმა საზოგადოებამ, ყველა პოლიტიკურ ძალას ვინც ასე იქცეოდა, მათი უსაქციელობა ადრე თუ გვიან ძვირად რომ დაუსვა, აი ამას რომ ვერ სწავლობთ, ესეც სამარცხვინოა.7 და ბოლოს ფეხებზე რომ გკიდიათ მე და ჩემნაირები რას ვფიქრობთ და რას ვწერთ, ესეც ვიცი და ესეც სამარცხვინოა, ოღონდ ეს ყველაფერი ცუდად მთავრდება, ხოლმე, ხოლმე არა ყოველთვის!8. ამ უმსგავსობების გამო იგივე და შეიძლება უარესი ბედი რომ გელით, ვიდრე თქვენს წინამორბედებს. აი ეგ უკვე ჩემთვის ფაქტია.P.S.ისიც ძალიან კარგად, ძალიან მწარედ, მახსოვს, რასაც გვიშვებოდნენ არჩევნებზე 90-იანებშიც და 2000-იანებშიც. ყურმოკვრით არა, საკუთარი გამოცდილებით ვიცი! ამიტომ ამის შეხსენებით თავს ნუ შეიწუხებთ ! მაგრამ ვისაც ახლა უხარია, ვინც საკუთარ “სინდისს” იმით იმშვიდებთ, ახლანდელ ოპოზიცია მაშინდელის გამო ღირსები არიანო, თავადაც ვერ ხვდებით, (ან ხვდებით და ფეხებზე კიდიათ) რომ ამ ქვეყანას სამუდამო სიბნელეში ყოფნისთვის წირავთ.“